"بمكتب ايهم"
منسدح على السرير يخيط له أيهم الجرح وهو يشوف يوسف يدخل وبيده موية و ٣ اكواب قهوة حطها على الطاولة وهو يتربع على السرير : تقولي صادفت أحمد بالمطار انت
هز راسه وهو يقول : وآدم وبنته الصغيّرة
ناظر له يوسف : جوالك وين دقيت عليك الف مره وعلى فكره ترا يدق
ميل راسه بعدم معرفه : مع ملهم يمكن بيجيبه معليك
سكت يوسف وهو يسمع أيهم يقول : خلاص بس لا تجهد نفسك كتف مخلوع وراس مفقوش يا دبليو دبليو اي
ضحك بخفوت وهو يناظره : لا تلعب معي يا دكتور
كمل ضحك يوسف وهو يتذكر : تعرف عن الوليد ؟
ناظره بطرف عينه وهو يهز راسه بالنفي ، واردف يوسف : انفجرة الوحده المتجهة لابها ما سمعت؟ و هو من ضمن الضحايا والناجي الوحيد
عقد حاجبينه وهو يقول : كيف تصير
التفتوا لأيهم اللي ماد رجله على الطاولة : تصير مع الوليد فقط ، ورفع اصبعينه ينص الكلام : ملك الحلبة
ضحكوا وهم يدرون باخلاق الوليد معهم الثلاثه خاصة "مشخصنها " لو صح القول .
.
.
-
"ببيت عقاب قبل العصر "
العيال بالمجلس والبنات بالصالة اللي تحت مجتمعين كلهم وهم يتكلمون كلن وموضوعه ، طلع عقاب من غرفته وهو ينادي : يا ولد
ردت عذيّة وهي تأشر له : تعال يا عقاب ما من غريب
هز راسة بالنفي : مرة عبدالله معاكم يا عذية ولا افلحوا
فزت فريدة وهي تقوم له : سم يا عمي بغيتني؟
نطق قبل تخطي هي : استريحي يا أم ازهر أنشد عنكم بس
طلع للمجلس وهو يشوفهم مجتمعين ونطق يشوف ازهر اللي نايم على رجل قيس : وانت مغير تحسسهم بالحنان وتتحضنهم؟ اذا بتعرس قل وندور لك
انذهل قيس وهو يشوف ازهر : الحين عشان احتويت احفادك بدل عيالك هاللي مالهم فايده ولا عايده صرت ادور ابي اعرس !!
هز راسه بلا حيلة وهو يقوله : صحيه وتعالوا يالثلاثة ابيكم
قام بدر وهو يحب راس ابوه بهدوء : عن اذنك يبه بروح الدو...
نطق بحده ما يحبونها لطالما كان الحليم و المزوحي : قدامي على المكتب يا بدر
هز راسه وهو يتقدمه : سم طال عمرك
صحى ازهر وهو مرهق كليا ولا له حيل ابد لكن جده طلب وهو ينفذ ومغمض
توجهوا للمكتب وهم يدخلون يشوفون بدر متقدمهم ويقهوي ابوه جلسوا وهم ينتظرونه يتكلم ، وفعلا نطق بهدوء يتميز به الجد : انا ما بمنعك انت و اياه واياه عن عمل قمت به لوجه الله يا بدر و انت يا اخوه ولاني بردي لاجل امنعك من شغلك بالعكس اثني عليكم وافخر بكم انتم عيالي وربى ايدي واعرف فلان منهو وعلان منهو لكن شرهتي عليك يا دكتور يومك تخبي ولد الناس اللي هله يدورونه بكل ناحية وهلك انت هنا شايلين الدنيا ولا قعدوها حزنهم على حزن اهلهم ولو هم من
هز راسه أزهر بالنفي : لا ياجد والله اني ما عرفته منهو ولا دريت عنه الا يومن جا العسكر للمستشفى يدورون له واذا على هلي فانا والله ما جا على بالي اعلمهم لانه مو شي ينقال
هز راسه بتفهم : وجية راشد وزايد وكلامهم معك يا ازهر؟
جاوبه وهو يناظره : ما يدرون انا منهو
بنفس نبرته قال : بس الوليد يدري ولا ؟
تنهد بعمق وهو يقول : انا ما بودي ادخلكم بخصومة مالكم فيها وخصومة كبار ولكن ادري بردى خصمي يا عيالي ولاني بمتهاون به ولكني اخاف عليكم يلحقكم ضر وما يخفاكم ان الوليد ولد راشد ما غيره يا ازهر ولد راشد
قام وهو يحب راس جده : ما علينا باس يابو عبدالله وحنا تحت ظلك ، ابد نام وأمن
قاموا يحبون راسه وهو يطلع معهم متجه للمسجد يأذن ولحقوه عياله واحفاده .
.
.
-
"ببيت الجد"
الفرحة فرحتين بقومة الجد بالسلامة و الوليد اللي راجع بعد ايام صعبه قضوها بغيابهم جميع ، اللي يشيل واللي يحط واللي عند الدرج وفوق و تحت دخل يوسف وهو يقول : ياولد درب
دخلوا الحريم داخل وبقوا البنات وهم يرحبون ويتغزلون فيه قالت جنى وهي تصفر : وينها ام سعيد وينها تشوف هالزين كله
ضحك وهو يصرخ من تذكر.
أنت تقرأ
ابدتِ بأطراف البنان مهابتي
Tiểu Thuyết Chungرواية سعودية فيها قصص من الواقع والأخرى خيال كاتبة أدت بها الطرق و الأزقة إلى الواتباد ، بطلي المهيب وبطلتي بنان اللي بيتعرفون على بعض في مهمة إستخباراتيه منظمة من قائد واحد ، فيما يعاني والد المهيب المريض النفسي بالإضراب الذي نتج من قتله لزوجته خل...
