ابدتِ بأطراف البنان مهابتي

البارت الثاني

ناظرته بعيون دامعه : الل.....
قاطعهم صوت يهابه الكل : يا بنت !
راشد بإبتسامة وهو يبوس راسه: صباح الخيرات يا ضو هالبيت
الجد سعيد بجمود : صباح النور يا راشد وش عندك من عقبة فيذا الصبح ؟
جاوبه وهو يمسك يده يسنده : تبي تداوم يابوي والجو انت تشوفه
الجد بهدوء تام : ودها إنت وروح للمحلات ، أسبقني.

"بالمجالس الخارجية "
كان الجو مليان ضحك و فرفشة بالنسبة للجميع إلا هو ، كان يفكر بالمهمة اللي طلعت له واللي ما يعرف هو وشلون صار بداخلها ، لكزه أدهم بكوعه : وشتفكر فيه يخوك ، أرحم نفسك تكفى من التفكير تعبت وتعبتنا معاك بكل شي ، قل لي هالمر...
ناظره بهدوء وبنبرة انزعاج رد عليه : انت .. واجد تتكلم .
طوّلت نظرة أدهم هالمرة وبشكل مبين فيه العتاب : لا تهمل نفسك وترجع لحالك وتكسر بي قلب ، أنا بدونك خلي .. تكفى يا مُهيب .
بصمت ناظر عيون صاحبه ، أدهم صديق الروح و صاحب الأيام .. تعرف عليه بأعنف أماكن الإنسان كسرًا ، لا زال يتذكر اول لقاء جمعهم :
"نداء الممرضات للدكتور : دكتور أدهم المريض ما يستجيب للعلاج ، نحقنه؟
جاوبهم وهو على عجلة : لا لا برجع له ، برجع له الحين
غمض عيونه بقوه يرفض فيها أحداث الأسبوع كلها ،يرفض فيها الوجع و يصارع فيها ألم راسه ، ذاكرته تروح وترجع .. بس أمه واخوه بيرجعون؟
جاه الدكتور بالبالطو الأبيض وهو يبستم له : مُهيب ولا المهُيب ؟
جاوبه بغموض وهو مطأطأ راسه وهنًا وتعب : بالحالتين مخيف
زادت ابتسامته ومالت للضحك : ممتاز ، أنا الدكتور أدهم النهَّام و حضرتك مُخيف الغيّاض؟
رمقه بنظره خاطفة وبهدوء : طلّعني أو عرّفني
مد له يده وكأن المحادثة اللي قبلها ما حصلت أو ما عجبته : أنا الدكتور أدهم النهَّام ، انت؟
ناظره ببرود : إنت خيّال ؟
إستغربه لوهلة : لا لي... ابتسم له بعكس ما يقابله منه : مو كلنا ناخذ من أسامينا نصيب
رفع راسه بهزء : الرجال بس
بنوع من الذهول نظر له : المهيب صفة حلوة لدرجة إنك تفاخر فيها ؟
رجع يأن من الصداع : ساعدني وبصراخ هز المكان : ساعدني لا والله ما اخليك حي
تجمهروا الممرضين والممرضات واللي يجهز الإبر واللي يجهز الكلبشات ، صمّت المكان بصوته الجهوري لما أمرهم بأن يتركونه يتعامل معاه .
رجع مهيب يأن ويتكلم بشكل مو مفهوم : أمي ، أمي تكفى ساعدها تكفى تكفى قل لأمي لا تروح ، وبصدمة اخرى نطق : سُلا؟ سلا وين ؟ مسك راسه بقوة يحاول يتذكر وصرخ بدون فايدة وطاح مغشي.
شاله من على الأرض وحطه بالسرير وطلع عنه بعد ما وصى إنهم يقفلون الابواب ."