تمرق كيف يا الطيب اي الموضوع ماهو ساهل لكن دا ماهو حل انك تخلي الفريق، اتكلم مع امك واتكلم مع ابوك خليك ماسك في كلمتك مافي زول بغصبك انت ماك بت
الطيب: ههههه شكلك مابتعرفي العمده لمن يقول شي مابتراجع عنو لي اي سبب
غزال: طيب انت جرب وخلي مرقتك من الفريق اخر شي لمن ماتلقا حل
الطيب: خير ياغزال، اسي انتي امشي عشان ماتتاخري اكتر من كدي، طلعتا وجيت البيت وانا راسي يودي ويجيب احلها كيف دي اجيبا بجاي تجي بجي،
العمده كان عندو اجتماع مع ناس القريه كلهم والناس فاتت، قلتا يارب مايفتح موضوع عرس اسي ولايجيب سيرتو
الناس اتلمت وقعدت وبعدها العمده بداء الكلام، ياناس متل مابتعرفو المحاصيل العندنا كلها حرقت، وتاني ماعندنا زراعه الا السنه الجاي والناس كلها بقت الحاله حقتا واحدي انا ماها فارقه معاي بي شي بس انا فكري كلو فيكم انتو، في طلبه من الخرطوم قالو بدورو يسو بحوث في القريات البعيده الطلبه دي لمن يدخلو اول شي بياجرو بيوت وبشترو الاكل وبفتحو الطريق لي الباقي، ولمن دا يحصل القريه دي بتتحرك شويه من الهي فيهو، قام الزين علي حيلو وهو مافش ريشو ياعمده الكلام دا مابجي كيفن ندخل ناس اغراب علي بيوتنا وعروضنا والبلد تبقا فاتحه كدي الكلام دا مابجي اصلو، ولابلزمنا
العمده: انا مادخلتا لي واحد منهم في بيت واحد فيكم البدور ياجر ياجر، والبدور يستفيد خلو اليستفيد، والمابدور ماهو مجبور، بس نحنا اسع ياناس ماعندنا حل غير كدي، في واحدين قبلو الكلام وواحدين ماراضين وواحدين دايرين الناس يجو داخلين عشان يغيرو المفهوم حق القريه
وفعلا القريه فتحت الابواب حقتا وبقو يجو الطلبه بنات وواحدين شباب القريه، بمشو الاماكن البره فيها وبمشو الجناين وبعملو محاضرات وبتكلمو مع الناس وبحاولو انو يغرزو فيهم حاجات جديده اغلبية الناس ماكانت متقبله الحاجه دي، بس انا كنت عايزه الحاجه دي عشان الناس تتغير وتخلي الجهل الهي فيهو، كانو محرصين علينا الطلعه والمرقه خلال الفتره دي
بس انا ماكنت بستجيب لي الحاجه دي، طلعتا ومشيت لي فطومه وكانو خلاص عايزين يجيبو ليها حاجات الدخان، قلتا ليها ارح نمشي البحر، اصلا كدا كدا تاني مافي ليكي مرقه وانا كمان تاني ماعندي درع امرق بي قالت لي لكن لو في زول شافنا وبراك شايفه وضع القريه،والخلق الجات من بره،اصريت عليها وفعلا طلعنا مشينا البحر كان الجو هاااادي شديد الفتره كانت بعد الفطور ومافي اي زول حولينا بس انا وهي لابسين التياب ومغتين الوشوش حقتنا
غزال:عليك الله يافطومه،كنتي بدوري تحرمينا من النعيم دا شوفي المناظر دي وشمي الريحه ياااااالله
يا ضحكة طالعه وسط الحُزن بتعافِر.♥♥
بيت العمده:-----
نفيسه ماشه وجايه، وحالفه الا تعمل مشكله من مافي عملت القهوه بكل الحاجات البتخصها وعزمت صحباتا كلهم وحريم الفريق البشبهوها من ناحيه ماديه ومن الطبع، ماخلت شي ماجهزتو وخشت لبست داك يا التوب وديك يا الريحه وجات لافه بي هناك لي حليمه لقت عنايه في وشها، يابت امك وين؟
