اليله ماشين نشوف نوع الجنين شنو ماكانت فارقه معاي بت او ولد بس العارفه ومتاكده منو انو انا مادايراهو اي كان نوعو مافارق معاي كتير، دايره ارتاح بس ماعندي اتجاهو اي احساس ولا حتي متشوقه عشان اشوفو ولاحاسه انو انا امو اصلا وصلنا المستشفي وكنا انا وهنادي مسجلين سوه هي حاتشوف نوع الجنين حقها وتشوف لي برضوو، جاء دورنا ودخلنا جوه كانت دكتوره كدا كبيره سلمنا عليها وقعدنا شويه وقالت لي تعالي ارقدي هنا رقدتا وختت الجهاز وبدت تحركو في بطني، عاينت لي وقالت لي ماشاء الله كل شي تمام ماعايزه تشوفي، قلتا ليها لا ماعايزه اشوف سكتت طوالي، هنادي اها يادكتوره نوع الجنين شنو، قالت ليها ولد، هنادي كانت مبسوطه وكانو الولد دا حقها، بعدها كتبت لي فتمين، وتاني هنادي الدكتوره قالت ليها كلوووو تمام مافي اي مشكله وجايك بنوته، هنادي وشها لمن اتخطف بس ماحبت تبين حاجه طلعنا الصيدليه واشترينا العلاجات وجينا البيت، كنت دايره الفتره دي متين تخلص عشان ارتاح من الهم دا
هنادي: طبعا يا ريم كدا انا اطمنتا، والحاجه الدايراها بعمله ليك
غزال: انا بدور اقراء الجامعه
هنادي: جداااا مافي مشكله بس بعد الولاده الجامعه الدايراها انتي وكمان حا اوفر ليك سكن قريب الجامعه ومن بكره بجيب ليك تلفون ونفتح ليك حساب في البنك، انا لازم ارجع بعد كدا، وقفتها هناااادي انتي لمن تشيلي الولد حاتعملي لي بتك شنو
هنادي: حا اقوليهم انو جبتا توم بتي انا ماعندي معاها مشكله وبحبها شديد بس كما كلام نسابتي حاجه بي الحجم دا مابعمله وطلعت طوااااااالي
ياخالتييييييي خاااااالتييييييي اجري تعالي وجيبي البشاره، جات جاريه في شنو يابت مالك بتكوركي كداااااا بشارة شنو كمان قوووولي، قبلتا عليها وانا مبتسمه وحسيت بي الانتصار وانو ربنا اخيراااا اداني الحاجه البسكت بيها الاسره دي كلهاااااا، انا حامل بي تووووم ولد وبت،عاينت لي واحساس مصدقه ومامصدقه احلفي،احلفي ياهنادي اخيراااا متوكل ولدي بجيهو ولد مع انو حتي لمن دايره تجيبي ولد جبتي بت بس دي نعمه نعمه ايوووووووووووي ايوووووووي وبدت تزغرت ناني ناااااااني تعالي وكلمي عزو يجيب لينا خروفين واحد يتوزع بره مايجي داخله والتاني ختو في التلاجه لي هناااادي،وتاني انتي الحوامه دي خليها مسكت تلفونا واتصلت لي متوكل ابشر ياولدي ابششششر بي الخير جايك الولد جانا البسندنا ولازم تجي تحضر الولاده،قبلتا عليها وانا مهجومه لا ياخالتي انتي عارفه متوكل ماسك شغل كتير خلي يجي يسمي لينا بس،خلاص ي بتي كان دايره كدا يجي يسمي،كان متوكل بكشفني الحمدلله ماجاء
(راحل هنادي اسمو متوكل بس انا غلطتا وقلتا مقداد 😆)
مرت الشهور وانا من البيت مابطلع عندي تلفون وعندي قروش بس ماعندي نفس لي اي شي،جات امتنان وعندها اشكال حقت حنه جاهزه قالت لي هنادي قالت الا تتحنني،عشان ناس المستشفي مايشكو فيك،وهي جوه بتقدر تحله بس من الباب بعملو ليك امور،عملت الاشكال وطلعت،
