غزال

16

البحصل هنا شنو مالكم؟ وكيف انتو تتشاكلو في مكان زي دا انتو دكاتره عاقلين وفاهمين دي شنو التصرفات دي، هشام قبل علي مافي حاجه وطلع طوالي، وانا كمان طلعتا ماعندي اي اخلاق اعرف سبب الخلاف او ادخل في حاجه مابتخصني، جيت الغرفه وكانت راقده وسارحه بعيد

غزال: ان شاء الله في تحسن اليوم؟

ردت لي امها بي انو احسن، طيب يا اسمار نحنا ممكن نبداء اسي لو جاهزه، ولو عايزه ممكن نتكلم هنا او في المكتب

ردت لي انو ماقادره تتحرك

غزال: طيب ممكن تخلونا برانا، وفعلا طلعو، جبتا الكرسي ختيتو جنب السرير وقعدتا، كانت ساكته مابتتكلم نهاااااي،اسمار السكوت عمرو ماكان حل لي اي مشكله ولا كان تعبير عن الجوانا،لو كان بحل حاجه ماكنت بخليك تتكلمي من اصلو

اسمار وهي بتعاين بي نظره حقت غضب،اي كلامك صاح عشان انتي ما اتختيتي في موقفي ولاعشتي العشتو،ليكي حق تقولي كدا،الزول البعيش الوجع مازي البتكلم عنو ويواسي غيرو،انا كلمتهم انو انا مادايره اتعالج ولادايره اقعد في المكان دا بس هم مصرين،انتو كلكم مافيكم زول حاسي بي،عاينتا ليها وكنت بحاول انو اكون هاديه واتقبل الكلام حقها بي كل تركيز

غزال:كلامك دا بدل انو انتي غضبانه من الحوليك،وهم اصلا ماعندهم ذنب في الحصل ليك،هم خايفين عليك ما اكتر ووجودك هنا لي مصلحتك

اسمار:كيف يعني غضب،يعني قصدك انو انا برمي اي حاجه علي غيري

غزال:انا ماقلتا كدا بس انتي المفروض ماتخلطي الامور

اسمار:اخلط شنو عليك الله يادكتوره خليني في حالي انا الفيني مكفيني،ماطايقه حاجه ولا دايره اتكلم في حاجه،عشان كلامي مابفيدك بي شي

غزال:انا ماعايزه استفيد منك بي حاجه،بس انتي لحدي اسي بتتكلمي بي غضب وزعل،انتي زعلانه من منو من الناس من اهلك من المجتمع او من شنو

اسمار:انا ماغضبانه ولا حاجه،بس انا بقوليك انو اليدو في الموووويه مازي اليدو في النار

غزال:طيب انا لو قلتا ليك حاجه مابصفتي دكتوره لا،وقفتا علي حيلي وقلتا ليها كدي عايني لي كدا وقيمي الشخصيه حقتي

كانت بتعاين بي استغراب ومن التصرف،شايفه انك دكتوره وناجحه بي دليل انو حولونا ليك،شكلك حلو ولبسك مرتب وتسريحة شعرك حلوه برضو وشخصيتك قويه

غزال:انا حصل لي نفس الحصل ليك بي الضبط

قامت من رقدتا وقعدتا وكانت مصدومه شديد لي درجه انو ماقادره تتكلم،وزي ما انتي شايفه انا كملت حياتي ومشيت في مشواري ويمكن انا كان وضعي اصعب منك وفي تفاصيل كتيره مابقدر احكيها ليك اسي لو بقينا اصحاب ممكن احكيها لو مابقينا حايكون كل زول فينا في حدو دكتوره والمريضه