اسمع ياهشام هووووي انا حركاتك دي مابتنفع معاي والبشوفك تكورك يقول خاطب ريم،وبعدين انا المره الفاتت ما اتكلمتك معاك يامعلم ماعشان خايف منك،بس عشان ريم ما اكتر من كدا،وانت مابتفرض علي حاجه،وبعدين انت كان واثق من نفسك كدا،ما المفروض تجي تتكلم معاي من اصلو،هشام وهو بتكلم بي اخر نفس،لا يعني هي المكسره فيك وميته فيك،اسمع يا علي مابعيدو ليك،ريم دي بتخصني انا وبسسس،وخلينا نشوف رجالتك،وطلع طوالي....
فتحتا عيوني لقيت هشام جنبي وندي ودكتور يحي كلهم واقفين
دكتور يحي:ريم كويسه انتي؟
غزال:الحمدلله احسن،الحصل شنو انا متذكره حاجه
هشام:كنتي واقفه وفجاه وقعتي وغبتي عن الوعي،اديتك درب واحد عشان الهبوط ماشديد،بس حاولي ارتاحي
ندي:سلامتك يا قلبي دا الضغط الكتير
دكتور يحي:اي كلام ندي صاح،اسي حاولي ارتاحي وانا تاني بجي اطمن عليك
هشام:حاولي ارتاحي ياريم
غزال:لالا عايزه اطلع
هشام:تطلعي تمشي وين وانتي كدا
ندي:اي يا ريم مافي اي طريقه بي وضعك دا،انتي طوالي تمشي البيت ترتاحي وبكره زاتو ماتجي
غزال:انا كويسه والله،خلاص برتاح شويه،خلوني وطلعو
ورجع بي الزمن لي غسان والعملو فيني،الدمار الدمرني لي،يعني انا ماقويه لي الدرجه دي يعني انا مهما عملتا بقيف في حته معينه،قويت نفسي واتخطيت ومرت السنين ولسه انا ماقادره اتقبل اشوف وشو،لا ياغزال معناها مافي فايده لي كل دا كانو ماعملتي حاجه لازم اشوفو ولازم اقوي نفسي واقيف قدامو،قفلتا الدرب وطلعتا الفراشه وطلعتا كان قلبي بدق شديد وحاسه انو في دقيقه ممكن يقيف،بس خلي يقيف بعد اشوف التافه دا،عاينتا بكل الاتجاهات ماكان في فتشتا كتير مالقيتو فات وين؟اتشقت الارض وبلعتو اتبخر مثلا،في ركن في المستشفي مالقيتو،معناها خلاص فات تاني مابقدر اشوفو حسيت بي خيبة الامل ورجعتا المكتب،خلاص ضيعتو وانا اصلا ماكنت متوقعه يوم من الايام اشوفو او اخد حقي منو زول انا غير اسمو مابعرف اي شي بخصو زول انا عندي منو ولد وهو اصلا ماعارف نتيجة الحاجه العمله،طلعتا بره وكنت ماشه لي دكتور يحي عشان اوريها شايفه صابر واقف اتحركتا عليهو لقيتو واقف مع غسان جسمي كلو بقا برجف وبديت اعرق وفقدتا القدره علي اي شي،بس قويت نفسي وكملتا مشي ماعندي شي اخسرو انا خسرتا اي شي،ريحي قلبك ياغزال،اخدي ولو جزء من حقك،وقفتا قدامو وهو كان بتكلم مع صابر،والله ياصابر انا ماعارف اع..
قاطعتا كلامو بي وقفتو في وشو كان بعاين وما اديتو فرصه لي اي حاجه رفعتا يدي واديتو طااااااخ كف
