ماهو انا يبقا ماعندي مخ لو صدقتا كلامك دا ياغسان، البت جات بي كل ثقه ورفعت يدها وادتك كف، عارف يعني شنو كف، وعارف يعني شنو واحده ترفع يدها علي راجل، وتجي تقول لي مجرد سوء تفاهم الكلام دا مامنطقي يااخي انا متاكد قلتا ليك انو انت عامل ليها حاجه واحسن اعرف منك بدل اعرف من غيرك
غسان: مافي شي ياصابر انا قلتا ليك انا ماعارف لي انت مصر تعرف حاجه هي مافي اصلا، العندي وريتك ليهو انا طالع
-انا متاكد انو عامل شي وشكلو حاجه كبيره شديد ماحاجه بسيطه عشان كدا ادتو كف، معقوله ياغسان تكون انسان كعب وانا مغشوش فيك،
تصرفا دا مامن فراغ وحتي انو هي من امبارح ماجات عشان اقدر اتفاهم معاها وكدا كدا قالو لينا نطلع اليله المساء يحلوها كيف دي ياربي
كنت قاعده ولسه بفتش في العقود اتصل دكتور يحي، رديت ليهو
دكتوريحي: ريم تجي المستشفي اسي ومن غير اي تاخير، وقفل الخط من غير اصلا ما ارد، دخلتا اخدتا دش ولبستا واتحركتا علي المستشفي كان معاهو ناس بقيت قاعده متتظراهو لحدي ماطلعو وجيت داخله
دكتور يحي: دي شنو الحركات الطايشه دي؟ انتي هنا دكتوره وفي مستشفي يعني مامسموح ليك تمشي علي كيفك وتجي علي كيفك، دايره تغيبي من الشغل يكون بي عزر دايره تاخدي ايجازه بتقدمي ليها لكن تتصرفي كدا من راسك دا تصرف مامقبول،اي ان كان الحاصل
غزال: تمام يادكتور يحي انا حاليا حا اقدم علي طلب ايجازه، وتاني شي انا عايزه اشتغل بره السودان،ماعايزه اشتغل هنا حاليا بفتش لي عقد
دكتور يحي:هي لعبه يعني والا شنو،انتي شغاله هنا بي عقد ولو العقد ما خلص ماحاتطلعي اي مكان،انا بقيت مافاهم تصرفاتك ياريم والقرارات الاانتي بتاخديها بقيت ماقادر احدد انتي دايره شنو او مادايره شنو
ريم:ابداا عادي يادكتور يمكن انت عشان متعود انو ماقاعده انطق كلمة لا او مابصدر مني تصرف مخالف لي القرارات حقتك،عشان كدا بقيت ماقادر تتقبل الوضع
دكتور يحي:ياريم ياريم انا ماقاعد اتعامل معاك تعامل دكتور،لا انا بتعامل معاك تعامل انك بتي
ريم:ماصاح يادكتور يحي،عشان في اي مكان في الدنيا دي لمن يكون في نقاش او خلاف بين طرفين من العدل انك تسمع من الطرفين ما تسمع من طرف واحد،ومن باب العدل انك ماتحكم بي الظاهر،بس انت ماعملتا كدا ولا سالتني انا اتصرفتا كدا لي،انت حكمتا علي عشان البرستيج حق المستشفي وعشان تكون مستشفي مثاليه قدام الكل بغض النظر عن المظلوم منو،انا لحدي قبل تصرفك معاي كنت خاته انو انت في مقام ابوي،بس يلا عادي مامهم ماتزعج نفسك بي حاجه اسي بقدم علي طلب الايجازه ولحدي مايتقبل بكمل شغلي عادي عن اذنك،وطلعتا طوالي
