كان راقد في السرير وماسك التلفون لحدي ماوقف قصادو بابا متذكر البت الجاتنا هنا وكانت عيو...قاطعتو وابت تخلي يكمل علي حبيبي امشي لي خالتو ناني قالت عايزاك،نزل التلفون وكان مركز في الكلام بس عمل رايح بعد مسافه،كان المغرب علي وشك،طلع بره الوضايه وناداهو جاء اتوضاء وطلعو الصلاه هنادي جات جاريه لي ناني
ان شاء الله ياناني تكوني نبهتي علي،قرب يتكلم ورسلتو ليك
ناني:اصلا ماجاني ياهنادي رسلتي متين،ومالك ماجيتي انتي
هنادي:ووووواي اليله ياناني رسلتو ليك قبيل قدام متوكل،ان شاء الله مايتذكر الموضوع،اصلا متوكل ماكان مركز معاهو
ناني:لوكدا ياهنادي مابتذكر براك عارفه الشفع في ساعتا وخلاص
هنادي:ان شاء الله ياااارب
بعد خلصو الصلاه كانو قاعدين في المسجد،علي وقف يلا يا بابا خلينا نمشي
متوكل:حااااضر،بس تعال اقعد شويه داير اتكلم معاك،قعد جنبو انت ياعلي قبيل قلتا لي جاتكم بت وكانت مالا
علي:مامتذكر متين
متوكل:قبيل لمن امك رسلتك لي خالتو ناني،بعد تعب ومسافه قريب النص وخلاص متومل زهج وطلعو من المسجد ماشين علي البيت،بابا اتذكرتا يومتا جات بت لي ماما شفتا عيونا بشبهو عيوني
متوكل وقف ويدو فكت من يد علي وبقا ساكت مسافه،بعدها نزل تحت وقعد جنبو،علي البت قالت ليك شنو،قاليهو ماقالت حاجه بس حضنتني،وماما قالت لي دي خالتو،بابا خليني نمشي ناس عزو،متوكل كان بالو في حته تانيه،كان بجر في رجلينو لحدي ماوصل وبينو وبين نفسو انا اصلا شاكي في علي من اتولد ومن عيونو عشان اسرتنا كلها ماعندنا العيون دي،ومرات كتيره بسالم بقولو لي عادي علي الله مافي شي بعيد حتي التومه حقتو بينو وبينا مافي اي ملامح،يارب البحصل لي دا شنو انا ماداير الشك يدمر علاقتنا بس كمان انا السنين دي كلها الاحساس دا ماداير يطلع من جواي،جيت البيت ودخلتا وكانت هنادي علي غير العاده مرتبكه شديد،وانا كنت مركز معاها شديد،ساقت علي من يدو وفاتت بيهو بي هناك وتاني ماشفتو وجات بقت تحاول تتونس معاي وتفتح مواضيع مع انو التوقيت دا تحديدا كانت بتذاكر لي علي وعبير وماكانت بتتفاهم مع اي زول في التوقيت دا حاجه غريبه،مرت الساعات وجيت رقدتا ماكنت قادر انوم ولاقادر اتنفس،حسيت احسن شي اتكلم مع هنادي عشان مانخسر بعض،بس لو طلع في مبرر الموضوع حايكون عميق شديد،بس انا ماقادر فقدتا المنطق قمتا فتحتا النور وهي كانت راقده ولسه مانامت
متوكل:هنادي داير اتكلم معاك في حاجه
هنادي قامت من السرير وحسيت بيها متوتره قول يامتوكل في شنو
متوكل:البت العيونا بتشبه عيون علي دي منو
هنادي:بت منو،علي دا ملخبط ساي،دي واحده زمان كنت بعرفا وفعلا لابسه عدسات لونا بتشبه عيون علي
