غزال

24

يعني اليله ناس امي جاين حاسه انو دا حلم معقوله بعد السنين دي كلها اشوفم اليله؟ لالا اكيد انا بحلم وقمتا من محلي وكنت ماشه وجايه ماقادره اصدق يانذار عليك الله لو دا حلم مادايره اصحا منو اوعك تصحيني، قبل علي بس دا ماحلم دي حقيقه اليله امك وابوك وريان جاين لحدي عندك، انتي تستاهلي تفرحي بعد السنين دي كلها تستاهلي اكتر من كدا ياريم، ياريت لوفي يدي اديك اكتر من كدا ماكنت بقصر والله، عاينتا ليهو وكنت مبسوطه بي عوض ربنا لي بي الفرحه الدخلت حياتي بعد سنين طويله شديد، نذار انا لو لفيت الدنيا دي كلها مستحيل القا راجل بشبهك مستحيل يكون في منك اتنين بجد انا مبسوطه بيك شديد ومبسوطه بي انو انت في حياتي❤🌻

نذار: وانا اكتر والله انا خلاص تاني ماعايز حاجه الحمدلله علي نعمو علي، يلا خليني اجيب باقي الحاجات قبل اهلك يجو عشان تلحقو تجهزو جية اهلي واهلك في يوم واحد دي ماحصلت في التاريخ زاتو😂

غزال:اهلك قالو شنو يانذار بعد وريتم انو عقدتا

نذار:والله ياريم وماشكر لي امي بس عمرها ماحصل وقفت لي في شي عملتو لمن وريتا ولا دخلت معاي في اي نقاش قالت لي بس انا دايره اشوف البت الخلتك تخاف انو ممكن تضيع من يدك وجريت عقدتل بدون تكلم زول،اما ابوي دا اصلا ماصدق يتخلص مني ولو عليهو اليله دي يفتح الباب ويطردني من البيت عشان يرتاح من الجوطه الكتيره،اما اخواتي اصلا هم بره السودان يعني في كل الاحوال ماحايحضرو اما اخواني الكبير والصغير،اخدو ليهم نقه كدا وتاني رضو،انا امي امبارح سايقاني السوق 5ساعات ياريم بتشتري في الحاجات وتخت وكل ما اقوليها الوقفه حاره وتعبتا منها والحاجات دي ماليها لازمه وممكن نختصر الموضوع دا تقول لي لمن مشيتا عقدتا ويدك فاضيه ماكنت ساكت ومامصدق اسي جاي تتكلم

غزال:هههههه مسكين مسكين

نذار:اضحكي اضحكي انا طالع وبلاي خلي ندي تتم اليوم دا اليله معاك وتمشي بكره الحاجات دي كتيره

غزال:طيب حاااااضر

-

‏"وَكَم مِنْ حَاجَةٍ كَانَتْ كَحُلُمٍ أَتاحَ اللَّهُ أَسْبَابًا، فكَانَت♥️!"

انا وندي جهزنا الغداء والحلويات والعصاير والشاي والقهوه، الساعه 2 الباب كان بدق مشت ندي فتحت الباب، اول زول شفتو كانت امي، ياااااا يا امي واخيرااا شفتك الزمنك غيرك شديد الخطوط ظهرت في وشك وشعرك القدام ظهر فيهو البياض، بس ضحكتك ما اتغيرت، جريت عليها واترميت في حضنها ياااااا علي الامان الاتحرمتا منو سنين، طولتا منك شديد يمه ماشفتي عشتا كيف والا حياتي كانت كيف يمه الدنيا لطشتني شديد واخدت مني كتتتير كلامك صاح يمه الدنيا مابترحم وبتجي علي الزول البتمسك بيها، كلامك عرفتو بعد سنين وسنين بعد ماضوقتني المر، يمه معاويه ماشفتو ولا ودعتو يمه معاويه خلانا زحتني منها شويه وختت يدينا في وشي