قاعده في الكرسي وخالفه رجل علي رجل وبتشرب في القهوه
هووووووووي يابت المره دي ان جبتي ليكي بت بتمشي تشتري الشيله انتي لي راجلك،عاينت ليها،كدي ياخالتي اصبري يادابو دا شهر وبعدين البنات نعمه،اتلفتت عليها ولوت خشما مشششم قال نعمه والعز والخير دا كلو نخلي لي منو بعدين انا الكلام الكتير مابنفع معاي بس وريتك،ردت سمح ياخالتي البسمعك يقول والده لي عشره بنات مايقول اربعه بنات،
هنادي متزوجه ليها 8 سنه وكل ماتلد بتجيب بت لحدي ماوصلت اربعه وزوجها مغترب في السعوديه،قاعده مع نسيبتا في البيت،والنسيبه كان عندها تلاته بنات وولد واحد ياهو مقداد البنتكلم عنو دا،كانت بي كل الطرق دايره مقداد يكون عندو ولد عشان مادايره زول يورث حقهم البلمو فيهو بي السنين،كان مقداد بجي نازل كل سنتين45 يوم وبرجع تاني،وماكان بسافر الا يتاكد هنادي حامل،عشان يجيهو الولد وفي كل مره بحس بي خيبة الامل ومع ذالك كان بحب بناتو جدآ،بس المره دي كان مقرر لو هنادي ماجابت الولد حايعرس فيها
غزال:---
-انزلي خلاص نحنا وصلنا ام درمان،انا لازم ارجع طوالي عشان مافي زول يشك في شي،انا مابعرفلي زول في المحل دا لو كنت بعرف ماكنت بخليك تنزلي في الشارع كدي،بس مابتجيك عوجه،اي شي بره القريه ماهو صعب،عاينتا ليهو وقلتا لي ماقصرتا ياخالي،ونزلتا طوالي لوكان دا اي زول تاني ماكان عمل كدي،نزلتا وكنت بعاين في الشارع والناس الاشكال اي شي غريب كنت مغتيه وشي بي الطرحه عشان اثر الضرب،ماعرفتا امشي وين والا اقبل وين،الحتات كلها بتشابه والناس ديل كتار شديد،ابيت اقرب من زول والا اسال زول الدنيا كانت صباح اتلفتا في مسجد جيت جنبو في راجل شافني،عاين لي يابتي المصلي بتاع النسوان بي هناك،اتحركتا عليهو اتوضيت وصليت وبقيت قاعده ادعي ماعارفه اسوي شنو،بعدها طلعتا لقيت واحد ببيع عيش وطعميه اشتريت منو اكلتا وشربتا من الحفاظه الجنبو وبقيت قاعده،اتصرف كيف امشي وين؟ بقيت قاعده النهار كلووووو لحدي صلاة الضهر دخلتا صليت ورقدتا قبلي لحدي العصر،لحدي المغرب انا كنت قاعده اليل لمن جاء لقيت في ناس كتار بجو يبيتو في المسجد ابيت اتكلم مع زول والا اقرب من اي زول،
يمه البت فاتت وين البت دي مابتمرق براها الا لو في زول وراها محل تقبل عليهو،اتلفتت علي وهي بتبكي انا شن عرفني انا كنت نايمه قمتا مالقيتا بقا يكورك،معناها يمه بتك دي عندها واحد متفقه معاهو وتلقاها اسع شردت معاهو،وتجو تقولو لينا الحصل ليها ماهو بي يدها،معاويه بجيبا لو في قعر الواطا بجيبا والله ما اخليها لو ماضبحتها مابرتاح،ابوي كان واقف وساكت وعرف انو امي عملت الفي راسا،بس ماكان في يدو حاجه بعد الحصل
ولا نتوب عن أحلامنا مهما تكرر انكسارها 💛🖇
مرت تلاته يوم وانا في نفس المحل،اليوم الرابع طلعتا من المسجد بره اشوف حاجه اشربا،كنت بنضف المسجد كل يوم ماكان في زول بتكلم معاي بس الناس حسو بي انو انا حاصله لي حاجه عشان اغلبية الناس البتبيت في المسجد كانو ستات الشاي واحيانا قاطع طريق وخلاص،بقيت ماقادره اتحمل نظراتم،قاعده في المسطبه بره وببكي،في زول ختا يدو في كتفي وسالني مالك في شنو؟رفعتا راسا لقيت مره لابسه توب حلو شديد ويدها بتعمل كش من الدهب كانت جميله شديد،عاينتا ليها ومارديت تاني سالتني،مالك يابت بتبكي لي لو في حاجه انا بقدر اساعدك والله،انا نيتي مافيها حاجه بس قبيل جيت السوق وتاني جيت لقيتك في نفس المحل حسيت انو حاصل ليك حاجه قبلتا عليها وعيوني كلها دموع ماعارفه الخلاني اعمل كدا شنو بس حكيت ليها اااااي شي ولحدي قعدتي هنا،قالت لي قومي تعالي معاي،عاينتا ليها اجي معاكي وين،قالت لي تعالي بس لو عندك حاجه شيليها معاكي،انا ام بنات برضو،ماتخافي مني واكيد مهما حصل مابكون اكعب من الحصل ليك اطمني وتعالي معاي روقي حبه وانا بحلها ليك،شلتا شنطتي ومشيت معاها،ركبنا العربيه حقتا كانت حلوه شديد وبعدها اتحركنا
