مات؟معاويه مات يمه معاويه معاويه فات معااااااااويه لالا معاويه ما مات مستحيل،وكنت بصرخ بي طول صوتي معااااااويه لا يامعاويه انت لسه حي انت مامتا،امي بدت تتكلم غزال لا ماتعترضي علي حكم الله،الرضاء بي المقسوم عباده معاويه الله يعوض شبابو الجنه ماتبكي علي اصبري وادعي لي،معاويه مات غرقان اوعك تبكي ياغزال اوعك وكانت هي زاتا بتبكي،يمه ماشفتو يمه ماودعتو يمه ماقلتا لي اعفي لي فات وانا ماعارفه يمه خلاص رحل،امي غزال دا حكم الله هو فات مننا كلنا وما ودعنا بس نحنا عافين لي،وهو بكون عافي لينا ياحليلك يامعاويه،وبدينا نبكي لحدي مانذار كان بتكلم مع امي وبعدها قفل،قعدتا في الارض وبدت ابكي معاويه اخخخخ انا من وجعي عمري ما ختيت في راسي انو اليوم البرجع ليكم فيهو القاكم ناقصين،فتا خليتنا كنت ببكي لحدي ماخلاص حسيت انو ماقادره ابكي،الدنيا اصبحت انا لسه في مكاني قمتا من محلي وصليت وكنت برجف شديد من الحمي قمتا وجريت نفسي لحدي الحمام اخدتا دش وشلتا التلفون عشان اشوف نذار،ماقدرتا افتح عيوني وحسيت انو انا دايخه شديد التلفون وقع من يدي وانا كمان وقعتا
فتحتا عيوني متين ماعارفه بس لقيت روحي في المستشفي الجابني منو،اصلا انا كنت براي كانت ندي جنبي كنت بتكلم بي صوت متقطع شديد
ندي انا الجابني شنو انا كنت في البيت براي
ندي:اتصلت لي منه واصلا نحنا شلنا ارقام بعض من يوم العرس وقالت لي مابتردي ليك مسافه طويله والخلاها تقلق اكتر انو اتصل ليها نذار وقال اخر مره كان بتكلم معاك كنتي ماكويسه، كنت في المستشفي هنا وجيت البيت طوالي دقيت كتيو مافتحتي اتصلتا مابتردي، رجعتا لي منه وريتا بعدها هي صفت لي انو الراجل الموجرين منو عندو نسخ مفاتيح كتيره شلتا منو المفتاح وجيت فتحتا لقيتك واقعه في الارض وابيتي تقومي جبتك هنا،وكان الضغط حقك نازل وعندك ملاريا كمان وشكلها ادت رقمي نذار حقك دا عشان كرهني العيشه كل دقيقه بتصل بتصل
غزال:ههههه
ندي:ليك حق تضحكي يختي،وانتي مالك بتعقدي سكيتي كدا،يعني الولد الا يوريني هو يقول لي اسف ازعجتك بس مرتي الاتحملتو ماشويه،بالغتي ياريم لكن علي الاقل وريني ساي
غزال:والله انا زاتي ماكنت عارفه بس بعوضك والله في العرس المامعروف متين
ندي:طيب بنشوف،انا جبتك هنا عشان بكون مطمنه عليك خليني امشي اشوف الناس المنتظرني ديل وبجيك اسي مابطول
انا راقده جاء غسان داخل وكان زعلان شديد غزال انا الجرجره معاي مابتنفع انا ماداير منك اي حاجه بس داير ولدي وريني لي وديتي وين؟ خيتي عن منو وتاني مابعترض طريقك
رفعتا راسي، وعاينتا لي جوه عيونو غسان لو القيامه قامت انا مابوريك ليهو لو اموت ماحاتعرف محلو دمرتا امو وداير تدمرو هو صاح معليش والله دمرتني غصب عني، بس ولدي لا ماتحلم وانا كلمتك تاني ماتقيف في وشي ولا تعترض طريقي
