كان نفسي اضمو علي كان نفسي اقوليهو انا ماما، كانت ملامحو هاااااديه شديد عيونو بتلمع، كان مبتسم، كانت بتكورك ياعلي دا منو الفي الباب
ياماما دي بت مابعرفا، جات عشان تشوف دا منو لقتني واقفه وشها ضرب شديد، وكانت بتعاين لي مسافه، ريم؟
كيفك؟
ريم: الحمدلله
هنادي: علي حبيبي ادخل جوه لي اخواتك، خلتو فات وقبلت علي وبدت تتكلم بي صوت واطي ريم دايره شنو؟
انا مش اتفقتا معاكي اوعك تقولي لي دايراهو؟
ريم:ياهنادي مادايره اشيلو منك،دايره اشوفو بس
هنادي:عليك الله ياريم
ريم:ااااي والله
هنادي:طيب تعالي جوه،دخلنا وقعدنا في الهول،كانت قاعده جنبي ياريم مالك جيتي،والله العظيم انا علي دا قلبي مابتحمل بعدو نهاي
ريم:مادايره اشيلو بس اشتقتا اشوفو،انا مابقدر اوفر ليهو الاسره ولا الحنيه العايشه اسي،بس كمان ياهنادي انا مهما كان ام
هنادي:طيب ياريم،اصلا نحنا متفقين انو تخلي لي،علي ياهو ولدي الوحيد ماعندي ولد جبتا تاني تلاته بنات،كوركت ليهو ياعلي،علي تعال حبيبي
جانا داخل،تعال سلم علي خالتو ريم
علي:كيفك ياخالتو ريم؟
وقف جنبي كان بعاين لي شديد،حضنتو من غير ما احس وحسيت انو حايشك في حاجه فكيتو وكان بعاين،قاليها،ماما شوفي خالتو ريم عيونا زي عيوني صاح
وشها اتغير وقالت ليهو يلا ياعلي ادخل جوه،وانا قمتا طوالي
هنادي:شايفه ياريم شافك مره واحده وشوفي ركز في شنو،ريم ماينفع تاني تجي،براك شفتي
مارديت ليها طلعتا في الباب سامعه ابوهو،يلا ياعلي خلينا نمشي المسجد الصلاه قربت،طلعتا وكان الدنيا مغرب اجرتا ترحال كنت مدنقره،ماقادره اتخيل منظرو لمن قال خالتو ريم،انا ماخالتو انا ماما،خلاص كدا انا اتنازلت
جيت البيت وماكنت قادره اشوف دخلتا غرفتي ورقدتا بي ملابسي وجزمتي، ماكنت قادره اتحرك من محلي ولاقادره ابطل تفكير وانا علي نفس الرقده ماقمتا الا الصباح، بجد بقيت كل يوم بكره حياتي بقيت فاقده الامل من اي شي حوليني، انا بجد فايدة انو اعيش شنو اعيش ليييي مافي سبب تعيشي عشانو ياغزال، استحميت وصليت وطلعتا لبسه لبستها وطلعتا المستشفي طوالي، دخلتا المكتب، كان عندي مواعيد امبارح مع كذا مريض بس انا ماجيت، طلعتا بره وشفتا الحاصل في العنابر والغرف، كان في حاله جديده بتاعت ولد شاب عمرو كم وتلتين وتغريبا وشكلو بعرفو دكتور يحي شديد عشان لقيت الاتيم كلو واقف قصادو، سالتا من الحاله وجيت المكتب، جبتا شاي وقعدتا مسكتا تلفوني لقيت مكالمات من علي، داير شنو دا وجاب رقمي من وين زاتو؟
