حامل كيف يعني حامل؟؟كدي اتاكدي تاني مستحيل تبقا حامل اصلو الكلام دا مابجي،هي كانت مره واحده معقوله لالا
-قبلت علي امي وكانت بتتكلم بي ندم عايني انا بقول كلام ساكت،البت دي حاما وجناها دا جنا شهر يادابو،ان بقيتي دايره الجنا خلاص وان بقيتي،ماك دايره بجهضو ليها،وهو اصلا ماجنا حلال مافي فايده من جيتو الدنيا دي،امي قبلت عليها وكانت متوتره شديد وبتعرق،لالا مابقتل لي روح اخير الفضيحه من الروح دي حسابا عندالله ماهو قليل،كتر خيرك وماقصرتي،بعدها الدايه مرقت،وانا حسيت روحي دايره تمرق من محلها،لي الحاجات دي بتجيني كدي اسوي شنو اقبل وين،اصلا اخواني بكتلوني،مافي زول فيهم بخليني عايشه،واهلي خلاص تاني بنفضحو وسط الفريق،انا مافي يدي شي اسوي شنو اقع وين اقبل وين،وبديت ابكي بي طول حسي،امي طلعت بره وكانت ماقادره تقيف قعدت في الارض وبدت تبكي،ريان جات عليها وبدت تتكلم يمه في شنو ومالا الدايه فاتت سريع كدي سالتها ابت ترد لي قالت لي شوفي امك،يمه ردي الحصل شنو،امي قبلت عليها وكانت ماقادره ترفع راسا يارييييان ياريان غزال غزال....بقت حامل
ريان:شنو حامل كيف يمه؟هو الموضوع مافات عليهو كتير اظنو ياداب شهر،معقوله يكون فيها حمل لا مستحيل المره دي بتكون غلطانه
امي:ماها غلطانه،قالت لي البت دي فيها جنا شهر،نقبل وين نحنا انفضحنا خلاص راسنا بقا في التراب ياريان غزال بكتلوها مافي زول بخليها تعيش
لَولا الأخوةُ ما طَابَتْ ليَالينّا
ولا ضَحِكنا بليلٍ كانَ يُبكينا ♥️🫂
في جانب:----
اصلوووو يا السره غزال دي ماها عجباني وطفشت ود العمده من البلد وقالو فاتلو لي شغل فيهاااا انه،والبت دي يومتا وشها يلعن قفاها لقيتا وكانت سانداها فطومه،عله فطومه غتيته ومابتتكلم ومشيت البيت مرتين لقيت امها وهي قالو نايمه،سالتها يومتا قلتا ليها مالا قالت لي عيانه عندها حمي،لكن متاكده انو في شي داسنو،السره قبلت عليها والله يا السيده دا كلام كدي انقوم نمشي عليهن وانا يختي بحاول اشمشم جاي جاي كان القا لي شي،عاد يا يمه منال بتك مالا وبعيبه شنو عشان ماتعرس ود العمده غزال اصلو ماها اخير منها،اتحركو علي بيت امنه ناس غزال وقريب البيت شافو واحده مرقت،السره وهي مدهوشه ومصدومه وحاة الله يالسيده المره دي دايه ساكنه في الفريق القدام بس ماني متذكره اسمها مني
السيده:اجيييي وهي دايه الجابه بيت امنه شنو؟
السره:تكون ريان حامل ياربي؟!
السيده:وريان ان بقت حامل الدايه جنبها خلتا هناك وجات هنا لحقتا،بري يختي في شي ارحكي سريع،جو داخلين وفي البيت زاتو في حيطه صغيره فاصله بين الحوشين مع الدخله،سمعو امنه بتقول لي ريان غزال بقت حامل
