أنا قبل كل شيء

الجزء 9

🍷الجزء :9🍷

نزلات لتحت تعشات معاهم كانت الطبلة عامرة بأشهى المأكولات.. كيف العادة جلسات.. وكانو خوتها كولهوم حاضرين..

أجوان : مساء النور..

مشات جلسات حدا نبيل لي بتاسم ليها بطيبة..

نبي : مساء الخير.. اوا مبروك عليك رسميا وليتي وحدة منا..

بتاسمات نصف إبتسامة بلاما تجاوبو حينت كانت باقا مقلقة منو ملي خوا بيها وخلاها مع غيت وماوفاش بالوعد لي عطاها.. وكملو عشاهم فصمت تاسالاو وطلبهم الاب خالد لاجتماع ومشاو..

خالد : ليوم اجوان كملتي شهر ديال التدريب ديالك وحسب التقرير لي قدمو غيت وليتي واجدة باش تولاي أول مهمة ليك من هنا ليوماين ولي غاتكون بسيطة مافيهاش شي صعوبة وكيف گلت ليك كل مهمة نجحتي فيها عندك نسبة واكيد كايتزاد الصالير ديالك

أجوان : وشنو نوع المهمة لي غانبدا بيها..

خالد : هدا موضوع تا اللخر ونهضرو فيه (ضار عند نبيل) ودبا ندوزو لنبيل شنو درتي فالمهمة ذيالك..

نبيل : باقي مكاين تا جديد تابعينو بحالا تابعين شبح وحتا الحلفاء ديالو غادين وكايتزادو وهادشي ب...

خالد : (حبسو خالد بيديه) ماشي دبا تال من بعد وندخلو فالتفاصيل..

كمل مع كل واحد يعرف منو الاساسيات فقط ولي لاحضاتو مكايبغيش يهضر فالتفاصيل قدام كلشي مافهماتش علاش ولكن ماهتماتش.. سالاو الاجتماع ديالهوم..

خالد : اجوان يلاه معايا البيرو ديالي

خرج خالد وتبعاتو البيرو ديالو ولي اول مرة غاتدخل ليه كان علا شكل مكتبة واسعة وسط منها مكتب خشبي كبير فوقو حاسوب وبزاف دالملفات مرتبين والاجهزة والاوراق.. جلس وجلسات مقابة معاه فواحد من الفوتويات لي تما..

خالد : اول قاعدة فالخدمة هي ممنوع منعا كليا تفشي علا واحد من الاسرار او التفاصيل دالمهمة ديالك..

اجوان : علاش زعما؟.. ياك حنا مافيا وحدة علاش غانخبي عليهوم شي حاجة لي هوما عارفينها..

خالد : اولا باش تاحد ميدير المهمة ديالك بلاصتك.. وكيفما كاتعرفي نتوما بستة بيكوم مرتبين لدرجات وحاليا نتي الاخيرة.. وأي واحد فيهوم عرف مهمتك غاتجيه ساهلة وغايديرها بلاصتك بكل بساطة وغياخد الجائزة ديالك وقد مكانت المهمة بسيطة بالنسبة ليك قد مكايفرق عدد المهمات لي كاتنجحي فيهوم

أجوان : فهمت.. يعني دبا ممنوع نهضر مع اي واحد فالمهمة ديالي

خالد: اه واخا ماعرت شحال تكوني كاتيقي فيه.. داخل عائلة الطاهري وخارجها.. والتقة شي حاجة حيديها من قاموسك..

حركات ليه راسها بواخ وهو يحل مجر حداه وجبد منو ملف وعطاه ليها..

أجوان : شنو هدا