أنا قبل كل شيء

الجزء1

-------أنا قبل كل شيء -------

🍷الجزء :1🍷

فقصر كبير فوسط صحراء قاحلة.. قصر كايدل علا الفخامة والثراء لي عايشين فيه ماليه لكن بمجرد مكاتعبر البوابة ديالو كاتشم الريحة ديال مصدر الفلوس باش وصلو لداك التراء

كل طوبة فيه كاتروي قصة..

وكل قصة كاتروي جريمة قتل..

قصر مبني بدماء الاعداء مغانقولش أبرياء .. فأكيد العدو ديال إمبراطورية بحال هادي خاصو يكون من نفس المستوى..

غانمشيو لجناح معزول جناح أنتوي بمعنى الكلمة كايدل علا حسن إختيار صاحبة الغرفة.. كل ركن فيه رائحة طيبة كاتشم علا بعد مسافات.. كان داير بحال شي جناح ملكي..

الفتاة لي جالسة فيه كاتشوفو على انه سجن..

او بمعنى اصح سجن من ذهب..

عندها كل سبل الراحة كل وسائل المتعة.. اي حاجة ممكن تخطر ليها علا البال تحضر

إلا الحرية..

كان عندها مواعيد محددة لي مسموح ليها تخرج فيهوم من ديك الغرفة.. رغم الثراء لي عندها إلى انها مسموح ليها فقط تسافر مرة فالعام لمدة اسبوعين وترجع للسجن الابدي ديالها..

مكانش أبدي يعني للابد.. لكن فقط حتى تزوج..

جالسة فوق كرسي مرييح كايدير ليها المساج حداها جوج بنات وحدة كاتسبغ ليها فضفار يديها وحدة كاتقاد ليها ضفار رجليها وهي فعالم اخر كاتسنط للموسيقى

وخا كان المكان بالنسبة ليها سجن لكن هي ماشي من النوع لي غايبقا جالس النهار كامل كايبكي علا شي حاجة مغاتحققش..

وحينت عارفة انها مغاتقدرش تخرج وتدير الحوايج لكايعجبوها كانت كاتجيب لحوايح لي كايعجبوها حتا لعندها..

متلا إلا بغات تمشي للمول غاتجيب لمول لعندها..

وبحكم جناها الكبير لي وسعاتو حتا ولا شاد طبقة كاملة من القصر فا تقدر دير فيه اي حاجة.. لابيسين هو اللخر دارتو فالبالكون الشاسع عندها..

ومن هواياتها وهي جالسة فيه انها ترش الما ديالو علا حراس باها وهي كاضحك.. او لشافت واحد من خوتها خارج ومتأنق كاتجبد مسدس المائ لي عندها وكاتعمرو بالما والصباعة وكاضربو.. وكايضطر يرجع يبدل حوايجو وهو حاقد..

سلاو البنات خدمتهوم وخرجو بعد ما امراتهوم يجيبو داكشي لي طلبات من حوايج واكسيوارات..

وناضت هي جلسات قرب المسبح ديالها وهي كاتفرج فضفارها وحاسة بالملل.. بغات غير إمتا تجي العطلة ديالها لي بقا ليها شهر..

جات عندها وحدا من الخدامات باش تعلمها بلي سالاو التنقال ديال داكشي لي طلبات واشارت ليها بيديها باش تمشي.. ناضت تشوف الكومة ديال الصناديق دالملابس لي طلباتها.. كانت عالية بزاف وتافأفات عرفات غايضروها كتافها وهي كاتقلب فداكشي..