أنا قبل كل شيء

الجزء 12

🍷الجزء :12🍷

بقات كاتشوف فيه من بعيد وهي كاتفكر بالزربة شي فكرة لي تخليها تجدب نضرو..

حتا جات فبالها وهي تمشي فإتجاهو بالزربة وقبل ماتوصل ليه هزات شي وراق كانو فوق الطبلة فالجنب وتمات غادة بالزربة تا دخلات فواحد من الرجال لي غادين معاه وطيحات الوراق ولوات رجليها بلعاني وطاحت ليهوم تما كاتبوحط..

أجوان : (بصوت أنتوي رقيق) اييي رجلي.. الله ياربي شنو وقع..

حبس السي التازي الهضرة وهبط عنيه عليها وهي تبان ليه واحد الكتلة دالأنوتة والاغراء قدامو بكسيوتها الكحلة ولي باينة منها الفرقة دصدرها وشعرها البني لي طايح عليها وشادة فرجليها البيوضين والصغار لي كانت صابغاهوم بالكحل..

عينيه طراساو فيهوم القلوبة وهو كايبتاسم بفمو لي كاملو عامر تجاعيد ولحيتو لي ولات بيضة بالشيب.. وهبط عندها وخا عنكشاتو كرشو لي سابقاه..

التازي : ( مد ليها يديه) أنسة واش بيخير.. ياكما تقصحتي..

هزات فيه عينيها الخضرين المشفرين ولي دارت فيه شوفة كادوب القلب من شدة جادبيتها وهو يدوب فبلاصتو وهي تشد فيه بيديها الرطبين ودوات بصوت تصنعات فيه الضعف والخوف...

أجوان : سمح ليا امسيو كنت زربانة وماشفتش قدامي.. (بدات كاتجمع فدوك الوراق من الارض بزربة) سمحو ليا..

ناضت وبدات كاتعرج وهي كاتقلب علا طالونها بتوتر مصطنع حتا عاود شد ليها فيديها..

التازي : غير تهدني اانسة؟

أجوان : زينب سميتي زينب وكانعاود نعتادر ماقصدتش..

التازي : ماشي مشكل معدورة ا انسة زينب.. واش كاضرك رجليك

أجوان : (بصوت أنتوي بإمتياز خلاه يزيد يدوب) شوية تلوات ليا فاش تزدحت مع السيد لي معاك..

التازي : ردي لبال لراسك.. وحاولي تشوفي شي طبيب علا رجلك..

أجوان : واخا امسيو وكانعاود نعتادر..

التازي : ماعليش..

مشا من تما وهو عينيه بغاو ياكلوها وهي باقة دايرا ديك الابتسامة دالحشمة المسطنعة.. كان باغي يزيد يهضر معاها ولكن كان زربان وأجل تال مرة خرا..

بقات مراقباه تا مشا ومشات كاتعرج لبسات صباطها وكملات طريقها للارشيف وهي كاتعرج شوية ماشي بلعاني ولكن اللوية لي دارت لرجلها فعلان ضراتها واخا ماشي بزاف.. ولكن كان ضروري تعرج شوية عليها وأكيد الكامرات دالمراقبة كايصورو اللقطة لي خاصها تبان كاملها حقيقة واخا فيها ديفو ملي هزات الوراق من كافيتيريا ولكن ماهتماتش اصلان طارق عندو بزاف دالشغل مالو غايبقا مقابلها غا هي ..

حسات براسها دارت تقدم ملي شافتو وشافت الطريقة باش كان كايشوف فيها و خصوصا مع هو زهواني مغايبغيش يزگل هاد الموضفة الفقيرة الفائقة الجمال لي عندو فالشركة.. وهادي هي الخطة علاش غا تلعب.. وكاتمنى مايتعطلش باش يرجع يشوفها....