أنا قبل كل شيء

الجزء 15

🍷الجزء :15🍷

ملي شافتو بعد وهي تحيد التلج ولبسات فردة دصباطها وناضت وقفات

أجوان : صافي مشا وسمح ليا عدبتك معايا.. (قربات وحطات يدديها علا كتفو وكانت قدو فالطول بطالونها مع اصلان هو قصير) شكرا علا المساج نفعني بزاف..

يلاه بغا يشد ليها يديها وهي تهربها وبتاسمات وخرجات بزربة قبل مايجاوبها وهي كاتعرج شوية باش ماتعيقش.. وهو بدا كايحك فلحيتو وكايتبسم بخبت..

خرجات ودخلات للأسانسور بزربة وهي قلبها كايضرب وكاتحس براسها مسخة من يديه لي كانو كايقيسوها ماكرهاتش تشدو وتخشي ليه راسو فالحيط تايتخمج ليه..

دفلات فالارض ديال السانسور قبل مايتحل وخرجات مشات للارشيف.. واول حاجة دارتها  جلسات فالبيرو وهزات البيسي ديالها وخربقات فيه شوية وطلعات الكاميرات الخاصة بالبيرو ديالو وبقات مراقباه شنو كايدير.. گاعما قاس دوك الوراق لي جابت ليه وعرفاتو غير داير بيهوم السبة..

بقات كاتفرج فيه لساعات ومرة مرة كاتقلب الكامرة للبيرو دالسكرتيرة ديالو تاكاتبان ليها ستأدنات منو باش تمشي تغدا وخرجات وهو يتبعها التازي ولي بجوجهوم مامشاوش للكافيتيريا ومابقاوش باينين فحتا كامرة وفهمات البلان كيداير..

بسيف وحدا مازوينة ماعندها شي طاي واعرة بحال ديك خيتي وجالسة فداك البيرو ديال واحد زهواني أكيد غاتكون خلصات بلحمها..

غير بانت ليها الساحة خوات.. وهي تبدا تخدم علا الكامرات دالمراقبة فالطريق لي غادوز منها ولي خلاتها علا فيديو لمدة عشرة ديال التواني فيه الاوضاع طبيعية وحتا البيرو ديالها نفس الشي الكامرا ديالو بقات كاتعاود علا عشرة ديال التواني اللخرة لي كاتبان فيهوم خدامة..

ملي تأكدات بلي كولشي هو هداك وواخا تحركات فالبيرو ديالها كاتبان فالكامرات باقا جالسة خدامة... ناضت بزربة وهزات الوراق لي كانت نقصات الصباح من الملفات لي طلب ليها ديال 2015 وخرجات دغيا معندهاش الوقت..

طلعات فالاسانسور وضغطات علا الرقم لي فيه البيرو ديالو وتمات طالعة حتا تحل المصعد ودخلات البنت لي كاتكون فالاستقبال وتعجبات منها.. ومشات ضغطات علا الزر ديال الطابق دالكافيتيريا ولقاتها ضاغطة علا اخر طابق ولي كان فيه البيرو ديال التازي والسكرتيرة ديالو وقاعة الاجتماعات والرئيس التنفيدي دالشركة

البنت : عندك شي غراض مع مسيو التازي؟؟

أجوان : (بتقة) وي الصباح فاش طلعت ليه الملفات ديال شهر خمسة 2015 ماكانوش كاملين وقبيلا لقيت هاد الملف وقلت نطلعو ليه..

البنت : اري نشوف .. (شدات عندها الملف وحلاتو وقرات التاريخ ولقاتو نيت ديال 2015 ولي كان طلب وهي تسدو ورجعاتو ليها) هاكي ولكن هادي وقيتة دالغدا غالبا مسيو التازي غايكون خرج