أنا قبل كل شيء

الجزء 20

🍷الجزء: 20🍷

دخلو لكوخ اجوان ودوشو وكل وحدا لبسات حوايجها .. أجوان خدات دوبياس بيضين مع شورط قصير ديال الدجين حد الفخض والفوق ضوني بيض لاسق مع سبادري بيضة ماغاتلبسش الطالون فالرملة اكيد وخلات شعرها سامبل مطلوق وشاداتو ببروش من الجنب مور ودنيها ...

وغفران عطاتها أجوان دوبياس زرقين باقين جداد .. وفاش بدات كاتعزل فالحوايج لقات الباليزة ديال اجوان عااامرة بالحوايج الصيفية من جميع الانواع وستغربات فاش قالت ليها ماعندها ماتلبس..

لبسات الدوبياس الزرقين مع جيپ فالخضر قصيرة واسعة ملاسقاش عليها مع كروپ توپ فالبيض وصوندال بيضة ومادارش ماكياج .. حتا أجوان كتافات غير بماسكارا وفاغاجو فحناكها وخرجو لقاو فؤاد واقف حدا الكوخ كايتسنا كان لابس نفس الحوايج.. اصلان مجايبش معاه وكان هادا من الاسباب لي خلاوه مايدخلش لبحر ..

أجوان : فكرني غدا ناخد ليك حوايج تا نتا ..

سدات لباب وخرجو تمشاو لناحية لي نعتات ليهوم لبنت قبيلا .. كانت الدنية ضلام ومضوية بالبولات لي معلقين فلخيوط .. كان تقريبا كولشي خارج والوجهة نفسها داكشي لي خلاهوم مايلقاوش صعوبة فالبلاصة .. وحتا الموسيقا المجهدا والضواو الملونة لي طالعين من بلاصت الحفلة..

وصلو للبلاصة فين كاينة الحفلة ولي كانت مور الاكواخ بشوية .. دايرة بحال شي قاعة ولكن فيها غير أعواد ديال الخشب ضايرين بيها من الفوق بحال شي مربع وشادينهوم أعمدة خشبية ضايرين بالورد الملون والضواو الصغار .. وكانت فالقنت منصة عاليا شوية فيها منسق الاغاني وحداه بار صغير ديال المشروبات وشي طبالي فواحد الجيهة والوسط عامر بالبنات والداراري كايشطحو والموسيقا مجهدة ..

قربات ليهوم اجوان وهي منباهرة من المنضر كانت اول مرة تشوف هاد الاجواء مباشرة والضحيج والموسيقا مجهدة وكولشي فرحان وناشط والهوا خفيف وبارد شويا .. وتفكرات البار لي دخلات ليه وهي تابعة التازي .. وكاين اختلاف واضح بين لبلايص هنا كاتحس براسك فبلاصة نقية ماشي مسخة..

حياتها كاملها وهي فوسط مجتمع راقي وحفلات راقية مملة كادار باش يغطيو علا إجتماعاتهوم المشبوهة وعمرها حضرات لي شي وحدا خارج القصر .. داكشي علاش جاتها هادي شي حاجة جديدة وزوينة واخا ممكن تبان لأي واحد انها عادية وفوضوية بزاف ..

مشاو بتلاتة ودخلو وسط الزحام وكولشي كايشطع وكل واحد شاد مشروبو فيديه .. وصلو لحدا البار الصغير لي كان فيه شاب عشريني ومعاه بنت خدامين تما ..

البار مان : شنو تحبو تشربو ..

أجوان : (شافت فغفران وهي ترجع ضور عندو) شي حاجة مافيهاش الكحول كاينة ؟؟

البار مان : (بتاسم ليها) كاين كولشي ولكن من الاحسن جربي شي حاجة جديدة وعيشي اللحضة ..

أجوان: ( ضارت عوتاني عند غفران) شبان ليك؟؟ نجربو الشراب! ..عمرك جربتيه؟؟