أنا قبل كل شيء

الجزء 18

🍷الجزء: 18🍷

طلعو للطائرة وڪانو المقاعد بتلاتة قراب وفيهوم خصوصية كاملة باب كايتحل ويتسد ..وكل واحد منعازل علا لالخر .. كانو الڪراسا مريحين واسعين وڪايتحولو لسرير مع شاشة ڪبيرة قدامها باش تفرج وسماعات خاصة وڪاينة مساافة بين كل شخص مع إضاءة خافتة..

قادات حزام السلامة وقلعات الطائرة  حتا ستقرات فالجو و هوما يبداو المضيفات ڪايفرقو  عليهوم واحد الساشي فيه بانطوفة وجوا ديال المخدة  وبروس ديال السنان وبانضة ديال العنين لي ڪاينعسو بيها..

طلبات ليها  اڪل حينت ڪان فيها الجوع نيت.. وملي سالات ناضت غسلات سنانها ورجعات لبلاصتها حيدات الطالون ولبسات البانطوفة لي عطاوها وغطات عينيها بالبانضة وقادات الڪورسي باش تنعس وهي متشوقة إمتا توصل لماليزيا

☆عند سميرة☆

ڪاتحل عينيها بشوية وهي راسها ڪايضرها من الطيحة لي طاحت .. شافت السقف ديال غرفتها وبقات ساهيا فيه شحال عاد ضورات راسها ڪايبان ليها سيروم ملسق فيديها .. وحاولات تفڪر شنو اخر حاجة ڪانت ڪادير ..

ولقات راسها بلي سخفات من ڪترة الارهاق ليجاها بقلة النعاس.. ولڪن ملي فاقت دبا حسات براسها شوية رجعات فيها الروح..

ناضت تگعدات وحيدات السيروم لي ڪان ڪمل ولقات فوق الطابل دونوي قرعة ديال حبوب الفيتامين هزاتهوم وناضت عمرات ليها كاس ديال الما ورجعات شرباتهوم وتڪات بلاصتها وهيا فيها الجوع ولڪن غالب عليها النعاس ..

ليبدا ڪايرجع يشدها ولكن قاطعها الباب لي تحل وحلات عينيها تاڪاتبان ليها وحدا من الخدامات داخلة بلاطو ديال الماكلة حطاتو حداها وكلسات ..

الخدامة : سميرة ڪيبقيتي؟..شوية!.. (بتاسمات بتعب وهي ڪاتحرك راسها بأه ) شنو وقع ليڪ اصاحبتي .. گالو ليا لقاوك سخفانة حدا الدروج  .. واش بيڪ شي حاجة حالك مابقاش عاجبني هاد ليام!..

سميرة : مابيا والو اختي احلام غا عيانة شوية وصاف وماناعساش مزيان .. وزيد عليها قربات تجيني ليغيگل وهي لي مخصرا ليا المزاج ..

أحلام : اوا ڪولي ڪولي.. ورتاحي ليڪ.. راه الصحة لي ڪادوم .. وشربي الفيتامين لي خلات ليك الطبيبة تما.. انا مشيت نڪمل شغالي ..

بتاسمات ليها وخرجات وهزات سميرة بلاطو دالماكلا وڪلات ..

☆أجوان☆

حطات الطائرة فمطار ماليزيا ونزلو بعد ساعات طويلة لي أغلبها دوزاتها أجوان وهي ناعسة ولا ڪاتفرج فشي فيلم ..