أنا قبل كل شيء

الجزء 24

🍷الجزء 24🍷
.
.
.
.
.
.
.
.
.

بقات كاتخبط معاه فالضلام وكاتحس بيه قريب ليها كتر من لقياس وهو لاوي ليها يديها تا عصبها وهي تعضو بالجهد فصدرو وطلقها دافعها عليه ..

أجوان : اخر مرة باقي تحط عليا يديك ..

أرياس : (بإستهزاء) مالك دايرا فيها عفيفة بحالا ماعجبكش الحال ..

أجوان : (بحدة) أريااس .. لزم حدودك وخلينا مزيانين ..

أريان : (بصوت فيه نبرة ديال السخرية) نلزم حدودي.. حتا يجيك البرد وباتي معنقاني ولا؟؟

أجوان : شكاتخربق نتا؟

أرياس : علاه لبارح كنتي غاتنعسي كونما عنقتيني وتخشيتي فيا .. ونتي لابسة جوج شرويطات فوق لحمك ..

أجوان : (مارضاتش حينت عرفاتو عنو الصح) نتا لي جاي ناعس حدايا .. من اليوم عطيني بالتيساع ماتقرب جيهتي ماتحاديني ..ولا غانفرتكوها هنا ..

أرياس : كاتهديني؟..

أجوان : حسبها كيفما بغيتي .. اخر مرة تحط عليا يديك.. هانا هضرت .. يخخ نتا لي بقيتي ناقصني..

عصباتو بالطريقة باش كاتهضر وناض ليها شدها من شعرها..وهي تعضو فيدو وخبط ليها راسها مع الحيط تاتجرحات فجبهتها وخرج الدم .. وهي مصدومة منو ومن التغيير المفاجئ لي وقع ليه ..

كان كايبان هادئ واخا كايقمعها مرة مرة ولكن كاتحس بيه كايحميها وخايف عليها واخا غير حينت من قوانين اللعبة مايوقع ليها والو .. ولكن دابا جا وضربها بكل جرأة .. ماتقبلاتهاش ..

خلاتو تابعد وجلس مقابل معاها ومن الصوت حددات بلاصتو وهي تجبد الخنجر ديالها ونيشاتو ديريكت عليه وكان غايجيه فعينيه كون ماشدوش بيديه .. مابقات هاماها لا لعبة ولا زبل.. هو تجرأ وحط عليها يدو خاصو يخلص تمن جرأتو..

تعصب ولاح الموس للجنب وناض ليها جاعر وتا هي ناضت .. وتقابلو بجوج فداك الضلام كايشوفو فبعضياتهوم ..

أرياس : شكاتحاولي ديري ..

أجوان : غاندمك علا النهار لي فكرتي ضربني فيه ..

هزات رجليها وعطاتو لجنب فخضو وقصحاتو وهو يعطيها بونية وخوات ليه وعاود عطاها كروشي لكرشها تاتزدحات مع الحيط وتبعها هزها بقجة تا ولاو رجليها كايلعبو فالسما وهي كاتحاول تحيد ليه يديه .. وكاتحس بالدم كايتسحب من راسها ..

ويلاه بغات تماطا للبروش لي فراسها وهو يسبقها يحيدو ليها بالنطير وبقا مزير عليها تا فشلات وترخات عاد طلقها وطاحت فالارض سخفانة وجهها زرق وتنفسها ضعيف ..

مشا للجيهة الخرا للكهف وتكا باش ينعس بعدما تأكد بلي ما عندها باش تأديه .. خنجرها محيدو ليها البروش دالحديد راه عندو ..