أنا قبل كل شيء

الجزء 25

🍷الجزء :25🍷
.
.
.
.
.
.
.
.

بقات كاضور فالمتاهة لساعات .. لي معاوداتش تحركات ولكن ماتلاقات حتا أثر لأرياس وبدا كايطلع ليها الدم ..

حتا سمعات صوت الدب عاوتاني وكان بعيد ولكن ماشي بزاف ..بدات كاتسخط بالمعقول وكاتحس بلي كولشي ضددها.. ونطقات بتذمر..

أجوان : لا ماشي عاوتاني .. واش انا زهري مكفس تال هاد الدرجة ... الله يقطعكوم كاملين نتوما وهاد الالعاب ديالكوم اوجوه الوييل .. باغين تقتلوني والله لا كانت ليكوم (بدات كاضور راسها فبلاصتها وهي كاتسب وتعاير كاتقلب علا الكامرات) .. ماغاتربحوش وكانواعدكون غانجي ليكوم واحد بواحد يلاه تفرجو مزيان ارباعة السيكوپاطين .. تفووو علييكوم من الراس للجدر..

دارت ليهوم فاك بصبعها ودفلات فالارض وطلقات رجليها للريح وبدات كاتجري وضور بين الممرات والصوت كايتسمع بعيد .. ولكن كل دقيقة كايقرب ليها .. حتا خرجات فتقاطع طرق وقدامها كان دب وعلا ليمن مخرج وعلا ليسر مخرج.. بقات كاتشوف فيه عاطيها بالضهر وجالس وهي تبدا تسلل علا صباع رجليها للطريق علا ليمن ديالها.. حتا عاودات سمعات صوت الدب لاخر بعيد وهو يتلفت ليها بسرعة الدب لي كان قدامها ..

وبقات مصدومة وهي كايسحاب ليها غير واحد صدقو جوج .. شافها الدب وناض بتقل وبدا تابعها وهي تهرب كاتجري وهو كايغوت ويجري علا يديه ورجليه تابعها .. حتا وصل عليها وضربها بمخاليبو فضهرها تاتقطع الضوني وطاحت فالارض علا كرشها وركابيها.. وهو يوقف عليها علا رجليه بربعة ولعابو كايسيل فوق شعرها ضارت علا ضهرها متألمة وجبدات الخنجر لي فجيبها وطعناتو لكرشو وبقات جارا الموس تا شرگاتو وبداو كايخرجو مصارنو ودمو تكب عليها فوجهها وراسها ..

زمجر بغضب .. بدا باغي يعضها بسنانو وهي تخشي ليه الموس فالفك ديالو من التحت بقوة تا خرج من نيفو وهو يبعد متألم وعاود بغا يضربها بالمخالب ديالو وهي تزرب عليه وجبدات المسدس من مور ضهرها وضرباتو ديريكت للراس تا طوش دمو وتم طايح عليها وهي تبعد باش تهرب ولكن مالحقاتش .. وطاح علا رجليها بتقلو وبدات كاتحاول تسحبهوم .. تاجرات اللولة مخرجاها وتبعاتها التانيا ..

وقفات وشافت راساها كانت كولها حمرة بدمو لي مطلي فلحمها وحوايجها ومعلكة بيه.. ولات عايفة راسها .. مشات لراسو وهزاتو من الفرو ديالو تا طلع علا الارض وهي تجبد الخنجر ديالها بالجهد وطلقاتو طاح .. ومسحاتو فراسو وبقات شاداه .. تحركات من تما بسرعة وماعاوداتش سمعات صوت الدب التاني ..

ولكن بقات كاتجري بأقصى سرعة وهي باغة غا فين تجلس تنضم أفكارها وترض النفس .. كانت شوية وغاتكون وجبة فكرش داك الدب .. مع ضارت مع الحافة ديال واحد الجدار تلاقات مع أرياس خارج من واحد المنعطف كان بيناتهوم شي أمتار ..