أنا قبل كل شيء

الجزء 16

🍷الجزء :16🍷

دوزات تقريبات تما ساعة ونص وجاها الملل وقرارات تمشي ويلاه ديمارات الطوموبيل عاد بان ليها خرج بسيارتو وهي ترجع طفيها وتحدرات بقات مراقباه داز من حداها وهاد المرة كان بوحدو وهو لي سايگ..

خلاتو تاسبقها شوية وهي ديماري وتبعاتو من بعيد تابان ليها دخل وسط المدينة وپاركا قدام واحد البار ودخل بعد ماسلمو عليه ليكارد لي فالباب..

نزلات من طموبيلتها وبقات كاتشوف فالبار من بعيد ولقات بلي حوايجها رسميين ماغايصلاحوش لديك لبلاصة وغاتلفت الانضار.. وهي تبدا تقلب بعينيها تما حتا بانو ليها شي محلات كبار دالحوايج ومشات ليهوم وبدلات حوايجها..

لبسات كسوة قصيرة فوق الركبة واسعة من التحت مالاسقاش عليها بزاف فالاسود وكان كايبري وخدات پيروك شهبة ولبساتها ودارت بانضة فوق جبهتها باش مايبانش الفرق مع نضاضر دالشوف مزورين ومشات دخلات للبار..

ماهضروش معاها الگارد گور لي تما.. كانت تما عامر بالبنات والدراري كايشطحو وكايشيشو ويكميو.. بلاصة خانزة بالبيان كاتشم فيها ريحت العفن فقلوب لي تما.. بدات كاتقلب بعينيها علا التازي وفنفس الوقت كاتنش علا وجهها مل كاتجيها ريحة الشيشة والكارو.. وكاتبعد وملي كايقرب ليها شي واحد تما..

بقات شحال وهي كاضور عاد بان ليها مقنت فواحد البلاصة فيها الفوتويات دالجلد كحلين وقدامو بزاف ديال قراعي دالشراب وحداه جوج رجال عوازة وكايهضر معاهم وكاس دالشراب فيديه..

وقفات بعيد فواحد القنيتة ولكن كايبان ليها مزيان كان كايهضر مع دوك عوازة ومايشربش من كاسو غير مركز وعرفات بلي كايوجد لشي صفقة ماشي تال لهيه وختار هاد البلاصة بالضبط باش مايسمعو حد ومايشك فيه حد..

سلاو الهضرة ووتسالم معاهم وهو يجي واحد الراجل كان واقف بعيد عليهوم وكان بلباس رسمي شوية قميجة زرقة وسروال دالفصالة گري جلس حدا التازي وحل واحد لحقيبة كان هازها وجبد ملف وسرح الوراق قدام عوازة وسيناو فيهوم وكدالك التازي سينا وتسالمو من بعد وناضو عوازة خرجو.. وبتاسم هو والراجل لي معاه وشرب من كاسو وبقاو كايضحكو ويهضرو هضرة لي ماسمعات منها والو بسباب البعد والموسيقى المجهدة..

عرفات بلي هنا وفهاد اللحضة دار صفقة غير شرعية لي ماعرفاتش مضمونها ولكن اكيد فيها شي فعل خبيت لي مافيهش الخير..

بقات واقفة مراقباهم بحقد كانو مستمتعين بوقتهوم او بالاحرا التازي لي مستمتع ومضور بيه العاهرات من كل قنت والراجل لي معاه غير كايخربق فتيليفونو حتا قال ليه شي حاجة فودنيه وناض من تما خرج من البار وتبعاتو ..

عرفات لابقات تابعا داك التازي مغاتصور تا لعبة حينت باين بلي الراجل لي معاه هو لي مكلفو بكلشي وغالبا يا غايكون المحامي ديالو يا دراعو ليمن ..