🍷الجزء :10🍷
جمعات حوايجها لي بقاو ونزلات لتحت للساحة الخلفية دالقصر فين كانت الطائرة الخاصة دالعائلة لقات قدامها نبيل وخالد وقفات حداهم وعطات للحراس البالز ديالها يطلعوهم..
خالد : نبيل غايمشي معاك تا يحطك فالمحطة ديال مراكش ومن تما غاضبري راسك
غمز نبيل ومشا هو وطلعو هوما للطائرة وكل واحد شد بلاصتو ودارو السمطة تا قلعات الطائرة وستقرات فالسما عاد ناض نبيل وجلس حدا أجوان..
نبيل : مالك مكاتهضريش معايا.. (مجاوباتوش) واش مقلقة مني؟ شنو درت ليك
أجوان : (قالبك وجهها) معرت شوفك نتا شنو درتي
نبيل : هاد الالغاز ديال الدريات معنديش معاهم ضاراك شي حاجة من جيهتي جيني فاص
أجوان : (ضارت عندو) بطبيعت الحال مقلقة منك خليتيني بوحدي مع غيت ومافكرتيش فيا.. وكنتي عاطيني الكلمة بلي نتا لي غادربني ولكن خنتيني.. ومادرتيش فبالك بلي انا وغيت مكانتفاهموووش.. ماشي مكانتفاهموش.. مكايحملنيش دوز عليا الدكاكة فداك التدريب ديال بصح
نبيل : بصح انا كنت معول انا لي ندربك تاتسالي المدة.. ولكن خرجالت ليا مهمة مستعجلة.. راك شتي هاد الأسابيع كلها ماكنتش فالدار.. وعلاه انا كرهت أنا لي نبقا معاك.. وانا عارف غيت غايدوزها عليك.. (قلبات وجهها وماجاوباتش) نتي عارفة بلي راك عزيزة عليا.. ونتي ضو عيني باش كانشوف.. ولكن راه مالقيت ليك جهد..
أجوان : لاباينة ضو عينيك ونتا فأول فرصة جاتك طفيتيني..
بقا كايشوف فيها كيفاش قالبة وجهها عليه وهوا يجرها من راسها وخشاها فكرشو معنقها ومزير عليها وهي كادفع فيه..
أجوان : طلق بعد مني شكادير خنقتيني
نبيل؛ ماغانطلق منك تاتگولي ليا بلي سمحتي ليا.. نتي عارفاني مانقدرش نبقا وانا مخاصم معاك
اجوان : طلق انبيل طلق مكانضحكش
نبيل : لا تاتقولي بلي تصالحتي معايا
اجوان : وصافي غاطلق
نبيل : لا قولي انا سمحت ليك ومابقيتش مقلقة
اجوان _ (غوتات) اووووف وصافي مابقيتش مقلقة
طلق منها ورجعات اللور كاترد شعرها وتنفس وهي مغوبشة ووجها حمر
أجوان : تفو عليك خصرتي ليا شعري لعبك هيماجي
نبيل؛ (قرصها من جنبها) شحال هادي قلت ليك ماتبقايش دفلي عليا
رجعات اللور راخية ضهرها علا الفوتوي وهي ساخطة كاتصوت
نبيل : ندخلو فالمهم.. غانزلو فالماطار وغانوصلك حتال المحطة دالترام فمراكش وغاتلقاي واحد السيارة فالباركينگ فالكحل من نوع تويوطا غاتكون هي سيارتك ودوك الوراق لي عطاك الوليد راه فيهوم عنوان الشقة لي غاتبقاي فيها وراه قريبة شوية من الشركة لي غاتخدمي فيها..
أنت تقرأ
أنا قبل كل شيء
Action"وسط دلك العالم المليئ بالظلام والعتمة كانت هي تلك الشعلة التي أنارت له الطريق.." أُرغِمَتْ على دخول عالم لم تَنتَمي له يوماََ.. عَالَم بَعيد كل البعد عَليها.. هي مُجرد فتاة رقيقة وناعمة دَخلَت إلـى عالَم قاسي لا يعرف الرحمة بِدون إختيارها.. عالَم م...
