سعير الهزيع

سعير-9-

هلا بـحبايب گلبي 🔥

- سعير الهزيع

- جوانا الجونايا

لا تنسوا التصويت حبايب گلبي + تعاليقكم الجميله و التي تجعلني مبتسمه لانها من اناملكم + متابعه حسابي @aljoannaa 🔥

كلش كلش يهمني تعليقاتكم بين الفقرات 🔥🔥
رجائا صوتوا الخاطري الوگت الي جاي اكتب البارت الكم 💙

تجاهلوا الاخطاء الاملائية فضلا وليس امراً 💙

قال محمود درويش

التجاهل هو طلب الرحيل ولكن بطريقة مؤلمة جدًا .

وصلنه للبيت بعد ما اخذني عمر علمود اشتري حبشلات دانزل كمش ايدي حيل وخرت ايدي منه و باوعتله برعب و استغراب ضحك بخفه حگ گصته كال

- مو قصدي اخوفج بس جاي اذكرج باجر يجيج السايق لبيتي

- ليش هناك خوما هنا بالصاله ندرس

- لا زحمه من النسوان الهزيع و اهله اني غريب

- عادي انت صرت استاذي

- لا فيار عيب حيل زحمه هناك محد موجود و تاخدين راحتج و اني اخذ راحتي اكثر

حجاهه بهدوء و. إبتسامة ملت شفتي رفعتله تك حاجبي وهمست : شتاخذ راحتك بشنو

- ادرسج غير شبيج بنيتي اشكد عمرج او تفكيرج كله شاخط

هزيت راسي بملل و نزلت بدون لا اودعه طبيت جوه صار بوجهي هزال خزرني وهمس : شنو جنتو تحجون

- مو على شي سالته سوال

- ليش طلبتي من عمر يدرسج و احنه موجودين

- هو راد مني

- ارفضي عادي

- لاا عيب بعدين ليش ضايجين مو هو صديقك

- فيار

همس اسمي و فرگ راسه باوعلي بشرود ثواني و كال : شخبار اختج

ضحكتب بالم من جاب طاريها حسيت سكاكين تخترق ظهري همست : كل الي اعرفها هي برحمه عمي و عائلته

- شذنبها اختج

- ذنبها مثل ما جاي تكول اختج ذنبها صارت اختي

غمضت عيوني بقهر شفته شارد و رافع راسة ليفوگ همست : ليش اهواية ضايج عليهه