سعير الهزيع

سعير-20-

-سعير الهزيع
- بقلمي : جوانا الامين

جوناياتي لا تنسون التصويت مهم و
علقو بين الفقرات كلش يهمني ❤️‍🔥❤️‍🔥

اسفه تاخرت بس جماعة الأنستا يعرفون خالي توفى يوم الاربعاء و جنت بالفاتحه و منا امتحانات الكلية و الوگت جان كلش كلش ضيق

انشاءالله الخميس ينزل البارت الثاني

___

طفر ايهم يدفع مكرم الي صار مثل الوحش يصيح و يضرب ماريا وجهه احتقن احمر دم
و صياحه هز البيت هز دفع ايهم و رجع شالهه من شعرهه ملخهه ملخ اباوع للهزيع فاگ عيونه عليه و عيوني تحولت على ابو ماريا كاعد على القنفه و حاط ايده على راسه و مدنك

راح الهزيع جر مكرم حيل وهو يصيح
عليه يعوفهه و اندارله مكرم يتعارك وياه
غيث دفع ايهم على ماريا شالهه راد يمشي ضربه مكرم على ظهره و دفعه غيث يتعاركون هو و الهزيع سوه

- مكرم : وخررروااا لا تدخلون لا تدخلونن اصيح حظهه هاي چلبه عار زمالهه حيوانهه لكك بطول چف ايدي و تنزل راسييي

- هزيع : بس اهدئ اهدئ يمعود اعصابك شصايررر ليش تنزل راسكك

دفع الهزيع و طار للصاله الي دخل بيهه ايهم
دفر الباب بس اسمع صوت صياحه هو ايهم
نطق ابو ماريا بخنگة

- مكرم بعمره ما ماد ايده على ماريا رباهه بيده متاكد ماريا سوت شي خلته هيج يتصرف هو ابوهه مو انيق

كمل كلامه و ضرب فخده عافنه و راح لغرفته
لطمت خاله سناء على وجهه من سمعت هزال يصيح

- عوف الـمسدس مكرم شبيك

- عوفوهه والله و روح أمي أفرغ الطلق براسهه

اسيا فتحت عيونهه بتعب و كامت و الصريخ مستمر مريم اخذت ضحى و صعدو فوگ لان ما تحمل هيج هوسه و صياح لمحت تبارك على الدرج شايله ريتا و صافنه عليه طلع هزال من الصاله لازم التلفون باوع على يمن الي واكف يم الباب يحجي ويا جان صوته مو واضح

طلع مكرم بيده ماريا شمرهه بالكاع مدمايه هاي اذا لكيناهه عايشه و رجع على الصاله جر الباب و قفله على الولد الجوه ايهم و غيث و هزيع و احمد اشر على هزال

- و روح امي احرگ حرگ

- سناء : لكك مكرم تخبلتت خاله احجي وياه

- ذره : شحجي وياه هو يعرف شجاي يسوي طمي حلكج سناء لا اخلي العوجيه براسج

- هزال : حجيه رحمه لدينج سكتي

كعدت خاله سناء صافنه على مكرم شلون لازم فگ ماريا و يحجي وياهه بهمس هزال اخذ يمن و طلعو اسيا كعدت تفرگ براسهه و تحجي ويا مكرم بس هو مو يمهه ابد