سعير الهزيع

سعير-28-

- سعير الهزيع
- بقلمي :- جوانا الأمين ، جوانا الجونايا

لا تنسوا التصويت و التعاليق الحلوه بين
الفقرات حبايب گلبييي فضلا و ليس امراً

بسم الله نبدي بالبارت طبعا من هذا
البارت نكول بلشت القصه الحقيقية استمتعوا بالبارت ..

عن حال الهزيع ..

اقوي گلبي
و روحي ملچومة
وصارت عيوني من النوم محرومة
و لا چنها الماتت عزيزة روحي
ودمعتي صارت ناشفه
و عيوني من الفرح محرومة

بقلمي :- جوانا الأمين

———————

ضليت اضحك بعلو صوتي لا چنهه الي
صار اثر عليه سكتت واني امسح دموعي الي نزلت مال ضحك لا عبالهم بجيت ههههه

أبتسمت و بينت كل سنوني و فرحتي مبينه و لا عبالك سمعت هو وافق على بنت عمه
حسيت گلبي كسر بس لا هتميت مثل هو ما اهتم بمشاعري

يا لوعتي بيك
يا حبي بيك
واني كل ضني تبقى تهواني
وسفه عليك هيج تجازيني و اني الضگت
الـمر وياك ..

باوعتله جان مدنگ و يفرگ بيده مره خسرني و هالمره راح يخسرني هم نطق مكرم من مكانه بغرابه

- هزيع شبيك حبيبي تره هاي فيار مو تاليا

رفع راسه الهزيع و خزره

- سناء : اوعع همزين تاليا تمرضت و راحت و لا صارت چنتي

- هزال : يماااا سكتي رحمه لدينج

فتحت عيوني على وسعن من طخ اسم تاليا
عندي تذكرت يوم الي خطفني عمر و جاب صديقه عبدالله علمود يطلگني من الهزيع و هدده لو يطلگني لو تموت تاليا و اهوايهه جنت اسمع باسم تاليا منهم باوعتله جان خازر مكرم بعده

شكد غريب انت و كلك اسرار روحي انلچمت
بيك هالانسان غريب كلياً مليان اسرار
اسمه مو اسمه
و قصه وسن و هسه تاليا فرگت عيوني بتعب و باوعتله بعتب و گلبي ممرود منه باوعلي و دار نظره عني

بيه حجي عتاب
بس المن اعاتب
الي اريد اعاتبه راح
لا ضلت ذكرى منه
ولا ضل حب منه
بس العتاب و الخذلان ضلن يمي
هم يستاهل ابجي عليه لو ابجي على روحي
بيه حجي عتاب
و راح اضل ابجي على روحي الي ضيعتهه وياك .
بس الـمن اعاتب

كامت خاله نورهان و كالت : امشي سناء نصب الغده

- سناء : اي والله امشي خية الفرحه ما سايعتني و اشوف وليدي عريس

- الوليد : اكعدو ما خلص الحجي

- سناء : شنو يابه يا حجي ضل الولد رايد بنت عمه و هايه