سعير الهزيع

سعير-23-

- سعير الهزيع

بقلمي :- جوانا الامين 💙

جوناياتي لا تنسون التصويت فدوه تفاعلوا بالقصه عفيه يعني ماشاءالله البارت الواحد يوصل فوك الف ونص و التصويت بعده ١٥٠ ؟

احس القصه مهجوره لا تعاليق ولا تصويتات 💔

............

رحمة : حرت اصيح اريد الحگ اطفي النار الي على الفراش و عيوني تنقل على عمر الي كاعد متربع و ساند جسمه ليوره و صافن على الفراش اباوع حارگين الجنط كلهه انضربت على راسي

خفت أوراقه جوازه لا راحن عيوني راحت
على الميز شفن على الميز ركضت جريتنه
و التفت اريد اطلع صار بوجهي هزيع يم الباب
مجثف و عيونه على عمر

اخر شي عاط بوجهي و وخرني من كدامه
جر اللحاف الي بالكاع و يطفي النار الي أشتعلت بالفراش طلعت ضميت الجواز و الاوراق و رجعت لكيته مطفيه و كاعد تك رجل كبال عمر الي مدنگ راسه عضيت شفتي بقهر على ضعف عمر

ضرب الهزيع جثف عمر بقضبه ايده مرتين و همس : كسرت روحي عمر و دارت الدنيا بيك مثل ما الله اخذت مني فيار رجعت اخذتهه منك

- عمر : روح احجيلهه على تاليا هزيع روح تخيل بس اذا تعرف شي راح تكره تباوع لخلقتك

- حير بروحك و عوفنه

- روح هزيع روحححح

عاط بعلو صوته و اختنگ دنك يكح و يغص
بالكحه ضربه الهزيع على ظهره حيل و مد ايده لشعره لزمهن حيل و رفع وجهه
- الهزيع : خنت العشره و نسيت شنو جنه خليت الميسوه و اليسوه يجبون طارينه

ضحك عمر بقهر وهمس يستفز الهزيع : فياري شلونه

- هزيع : عمر لا تمادى

- اهاا صدك عرفت اسمك فراهد لو لا

دفعه الهزيع  كام باوعلي و هز راسه متاسف
على حال اخويه عافنه طلع تاركني انهار وحدي بصف اخوي الي باوعلي بتوعيد

ركضت اركض لعمر لازمه وجهه بعصبيه و
دموعي تصب و احس صوتي رايح

- ليش عمر ليش هيج تتصرف ويا الولد ؟ ولك هذوله اخوتك هذوله سندك عمر

دفعني حيل و راح جر من كنتور ستره معلگه هالستره عنده لان الباقي حركوا الولد عبالهم ماراح يسافر ما يدرون عمر لو يحركون كلشي يسوي الي براسه
- روحي جيبلي الجواز

- رحمه : اخذه هزيع

- رحمه لا تعبيني روحي جيبي الجواز