سعير الهزيع

سعير:-36

-سعير_الهزيع
-بقلمي :- جوانا الامين

لا تنسون التصويت حبايب فضلا وليس امراً بس
تفاعل القصه كلش مهم عندي ..

بنات هاليومين راح اصعد ارتب البارتات الاولى
و اعدل على الاخطاء الاملائية ..

يلا نبدي البارت عود لا تعلقون ولا تحطون نقاط
😆😆💔

بنات التفاعل مهم والله و كلش مهم التفاعل فدوه العيونكم حطو نجمه -تصويت- و تعليق ..

__________

خليني مثل الجگاره بطرف شفتك
لا تخليني وحدي
خليني بوسط صدرك
اذا صعبه عليك
ليش خلتيني اتعلق بيك و عفتني
بنص الطريق
انه الوحيدي متعوبه و ضايعه
ياهو الي يلمني بعد ؟

-جوانا الامين

_________

احمد: انتي طالگ طالگ طالگ

شهگت بصدمه باوعت على تبارك ادرس ملامحها
ثلاث مرات طلگها وهي واكفه كدامنه اخذت نظري الهم مكرم مدنگ راسه و يحرك اصبعه على الصحن
و البقيه ياكلون بهدوء باوعت الايهم ولا مهتم ياكل و يضحك بشماته

-تبارك:هاي شسويت احمد ؟

-احمد: لمي ملابسج ترجعين ويا ابوج فتره و اوراق الطلاگ توصلج

-تبارك: طلگني بسبب هذوله؟؟

اشرت علينه بـ اصبعهه الترجف و عيونهه مفتوحه
رد عليهه بقساوة: بسبب اخلاقج الزفت و راسج اليابس