هلا بـحبايب گلبي 🔥
- سعير الهزيع
- جوانا الجونايا
لا تنسوا التصويت حبايب گلبي + تعاليقكم الجميله و التي تجعلني مبتسمه لانها من اناملكم + متابعه حسابي @aljoannaa 🔥
كلش كلش يهمني تعليقاتكم بين الفقرات 🔥🔥
رجائا صوتوا الخاطري الوگت الي جاي اكتب البارت الكم 💙
تجاهلوا الاخطاء الاملائية فضلا وليس امراً 💙
___________________
كنبص الهزيع كدامه لزم ايده حيل يباوعله بشرود همسله : يخوي صدك تحجي
هز راسه جر مكرم تلفونه و طلع للمطبخ اسيا غطت وجهه مصدومه و تقره ايات قرانية ما جنت اعرف ليش دائما تقره ايات قرانيه من يصير اكو شي مثلا اذا صارت عركه تكعد بالزاوية تباوع و تقره ايات او دعاء او اذا البيت بي احد مريض او احد بجى او ايشي تقره ايات قرانية بس بعدين من مرت الايام عرفت انو تسوي هيج حتى الاوضاع تهدء و ما تگب نطق الي اسمه غيث
- يخوي عفتهه بطرگ بجامتهه و اجيتك
- لا تفقد الامل غيث احنه اول الطريق العلاج تطور راح تعالج والله اني موجود اصدقائي مكرم اسيا كلنه موجودين لا تخاف تصير زينه و ترجعلك
- تدري شسوت من سمعت
- شسوت
- كمزت تصيح و تبجي اريد الزمهه ماكو تخرمش بيه تضربني ملختني و هي تريد تعارك ويا الدكتور تكله لا تجذب
- انصدمت يخوي صعبه تنام و تكعد تلكى نفسك مريض صعبه
حط ايده على وجهه و بجى بنحيب اسيا هم بجت و راحت يم اخوهه تكله : يخوية انطيهه عافيتي والله اردهه الك لا تخاف
انقهرت عليهم رحت للمطبخ و اني مدنگه افرگ بيدي صار بوجهي مكرم مجثف و مدنگ همست : منو هي المريضه اختك ؟
- زوجته هذا غيث اخو الهزيع و اسيا و هزال
هزيت راسي وهمست : راح اصعد فوك وجودي مضايقگم
- مريم اكلي تبن و ردي للصاله كعدي
فتحت عيوني شلون هذا ضارب ميانه وياي وهو يحجي الصدگ و جدي عفته
رجعت للصاله لكيتهم صافنين و الهزيع عاض سنونه و يفرگ بيديه كعدت باوعلتي اسيا و دنگت تفرگ بيد اخوهه
كام الهزيع فات للغرفه شويه و طلع يدگم بقميصه ركض وراه غيث رجعت ظهرهه اسيا و ضلت صافنه بالسگف اجه مكرم كمت رحت للغرفه مال هزيع او مال ضيوف سديت الباب و رحت كعدت
شويه و اسمع صوت شهگات اسيا تكله
أنت تقرأ
سعير الهزيع
Romanceقصة باللهجة عراقية ✔️ _ -انة الهزيع . كالمبهم و كالليل . سوادة و غموضة مختلف . آنّه الهزيع كـ هزع الليل . ليس محب لها و انما يداويها في مختلف الأحيان . انة فريد و مبهمُ .
