سعير الهزيع

سعير الاخير-جزء اول-

عيناها بابلية
و فمها المتكلم تتبغدد
تملك قلباً كـ اهل الجنوبِ
و نقاء مشاعرها مثل المغايـرَ

لا تنسون التصويت و الكومنت بين الفقرات حبايب حاولو تفاعلون لان هذا اخر بارت ..

__

فزيت على صوت اسيا صدى المطبخ صوت الكسر اثر صدمتي وكع مني الكلاص حرت اباوع على الكزاز الي انثر المكان لو على اسيا تباوعلي بهدوء
رجف جسمي بخوف و توتر
-شجاي تحجين اسيا ؟ شنو بعدني احب غيث

-اني ادري انتي جنتي تحبي

-شجاي تحجين اسيا يا غيث
-اسيا: جذبت ؟ كلنا ندري قبل خطوبتج من ايهم غيث خطبج و حاول وياج
-بس ماكو حب
-بس جنتي تحبي حتى قبل لتموت ضحى

شهكت بقهر و هزيت راسي : لالا ماكو هالشي والله مجرد جان اعجاب
-بعده موجود؟
-اسيا تره سنويه ايهم صارت شنو هالحجي عيب والله
-انتي و ايهم بعدكم ما تزوجتو بشكل رسمي؟

-شلون؟
باوعتلهه بغرابه ضلت صافنه بوجهي و عرفت تقصد العلاقه الي تصير بين كل اثنين
حتى يثبت زواجهم او حبهم و يصيرون بجسد واحد و صدگت ما صارت بيناتنه هالشي
و ايهم ابد طول هل خمس اشهر ما جبرني على شي و احترم حزني على وفات اخوي
ضليت مدنگة راسي بقهر و دموعي تجري
على وجنتي
كان الوجع كلش اليم و ياذيني و نظرات اسيا زادتني الكره لنفسي و حظي تقتربت مني و حضتني حيل
-اسيا: عليش تبجين؟ ها جاوبيني مريم
-مريم: غلط هالشي شلون تكوليلي بعدج تحبين غيث كلش غلط
-مو غلط مريم مو غلط افهمي صار ١٠ اشهر من مات ايهم لا ايهم شنو رجلي تعرفين شنو يعني رجلي لو لاااا
صرت اللطم على وجهي بكل حيلي و دموعي تزيد عاطت اسيا وهي تلزم ايدي
دخل عمي ابو مكرم و غيث ضل واكف مصدوم
لزمني عمي حيل وهو يصيح بوجهي حتى اسكت دفعته و مشيت حتى اصعد خزرت غيث و صعدت اسمعه يتعارك ويا اسيا
قفلت باب غرفتي ابجي خايفه
شعور مريب اجاني
حسيت روحي راح اخون ايهم
جريت اطار صورته اباوع جانت صوره عرسنه لابس القاط و مبتسم يم السيارة
زادت دموعي من تذكرت تلك الليلة القاسية
ضليت ابجي اندگ الباب و اجه صوت عمو
-افتحيلي الباب بوية