سعير الهزيع

سعير-22-

- سعير الهزيع
بقلمي : جوانا الامين

جوناياتي لا تنسون التصويت و التعليق بين الفقرات البارت الجاي ينزل السبت او الجمعه بليل حيل 🌚❤️‍🔥❤️‍🔥

اكرر البارت الجاي الجمعه ينزل ال لان عندي ظرف هذا الاسبوع و مادري اذا الحگ اكمله الخميس او لا بس اذا ما نزل الخميس ينزل الجمعه خوش مو تزعلون عمي ههه ..

___

فيار :- لزمت گلبي خايفه و اطابعي رجلية ترجف
بعدني وره الباب انتظر ايهم ينزل من الدرج الي يتجهه للبيتونه او السطح مادري بالظبط صارت بالوحده و هو بعده فوك خرب عرضك
ايهم تره اختككك شدسوي صارلك ساعه
فوكك ابن الحلوو

و يمن خبصني من ١١ ونص يتصل ضليت تركيزي كله بالصوت المره انتظر صوت
خطوات
الغرفه ساده ضوايتهه و الجو يكرص
من البرد لان مطر كلش قوي اليوم

ربع ساعه مرن واني احس واكفه على
شياش مشتعلة سمعت صوت ايهم جاي ينزل و يهمهم بصوته ردت اهلهل من الفرحه لان صارلي ساعتين ونص واكفه ضليت اتنصت اكثر سمعت صوت باب غرفته انسد ركضت جريت الجنطه و لفيت الحجاب عليه لف مثل الشماغ و لفيت وجهي هم و طلعت على كيف من غرفه الهزيع جريت المفتاح و قفلته و خليت المفتاح بالجنطه و اتجهت اصعد فوك

كل شوي اتخيل اشوف ايهم وراي و افرگ
نعلعله لشتك ايهم راح تسويلي جلطه اليوم
وصلت للعليه او البيتونه غرفه جبيره كلش بيهه فراش و اشيائات قديمه و اكو بالصناديق يعني
مثل المخزن استغربت هذا وين حاط ماريا ضليت ادور بين الفراش الصناديق جفلت من صار بوجهي باب السطح مستحيل ايهم يخلي ماريا جوه المطر مستحيل لا ما يسوهه

انمرد گلبي و اني اتخيل راح افتح الباب و
الكاهه بره بهل برد و مطر مشيت بخطوات و رجلي ترجف رچف وصلت لباب السطح و لزمت اليده مايفتح عضيت شفتي بقهر احاول اهدئ روحي دنگت حتى افتحهه من جوه رجعت جريت اليده انفتح الباب دمعت عيوني من انفتح الباب على كيفه و الهوه صار بوجهي ثلج و قطرات المطر

سميت الله و طلعت للسطح ادور عليهه ماكو
تبلت تبليل وهي ماكو بجيت بخنگه و لطمت على وجهي من القهر ليش ماكو ليش وين صارله ساعتين فوكك كعدت بالكاع لامه روحي لم ابجي

صح ماريا اذتني بالبدايه بس جان
حسب علمي مخطط من الهزيع ما الها ذنب
بشي حسيتهه تؤامي و اختي الصغيره بعمري ما كرهتهه كمت مسحت وجهي ما اطلع منا الا مو ماريا بيدي رحت ليوره السطح من الجهه الثانيه سمعت صوتهه تون يماا صخام الصخمني دنيا ظلمه من هاي الجهه ماكو ضويات تمشيت و ركزت فتحت عيوني على وسعن ركضت لكيتهه مشمورة شمر للنهايه عطت بخنيگ و صوتي غص بالخنگه

اريد اوصلهه بعيده بعيده عبالك كل من اقترب تروح ليغاد وصلت الهه واني عثرت بالمي و تزحلگت يمهه جريتهه لحضني حسي الله و نعم الوكيلل عليكم ترجف من البرد و غركانه بالمي شلت وجهه و حطيتهه بحضني جانت لابسه بجامه صيفيه الله ياخدكم احاول اصحيهه ماكو فاقده بس ترجف