سعير الهزيع

سعير-42-

بعدني ما بنيت الغيرك احلام
ولا لعيونهم مشيت الايام
ويلوموني وانه بيا حال وأنلام

-سعير الهزيع
-لـ كاتبة : جوانا الامين

لا تنسون التصويت فضلاً و تعاليقكم
الحلوه بين الفقرات ✨✨

بنات حاولو تعلقون اهوايه ايشي كتبو و علقو ماريد نقاط فدوه القصه جاي تضيع حقهه ..

__

ليلى :- بجيت عاجزة شسويلهه اشوفهه مثل المخبله صارت تكمز منهارة كل شوي اشوف الفيديو و ابجي على صدمتهه يمن صارله فوك ال٦ اشهر متوفي و البقيه صارلهم عشر ايام وكعت على طولهه تصيح و تضرب فخدهه دخلت للغرفه ركض شلت تاليا فرفحت روحهه بالبجي من الخوف
طلعت بيهه لبيت الجيران العمر دكيت الباب و طلعلي ابنهم الجبير حامد
-خير ليلى هاي شبيهه تاليا
-الله يخليج اخذ تاليا لخاله خل تسكتهه لان اخو فيار توفى

-لا اله الا الله جيبهه و روحي
اخذهه من حضني ورجعت ركض على فيار ملخه روحهه تملخ و امي تصيح عليهه تجي يمهه طلعت للحديقة دكيت على عمر مايرد ابن الزفره رجعت دكيت علي مايرد ردت اشمر التلفون بس اجتني رساله منه كاتب
-بنت ابوج و امج اذا بعد دكيتي اطيح حظج مو جاي ارفض معناه مشغول

-ولك اربيك و اربي عشيرتك والله طاح حظ اسلوبكم الخايسه