سعير الهزيع

سعير:-35

يابةة كل عام وانتو بالف خير حبايبببييي ربي يوفقكم و يوفقني وياكم هم هههه حبايبببيي حيل حيل مشتاگتلكم و مفرفح كلبي عليكم ..

-سعير الهزيع
- بقلمي: جوانا الجونايا

بسم الله نبدي البارت قرائة سعيده حبايب
لا تنسون التصويت فضلا و ليس امراً و تعاليقكم الحلوه
و بنات فضلا الي تكدر تحط نقاط اهوايه خلي تحط ..

————————-

چنت وياك
و بقيت وياي
اتالي من عفتك
ما شفتك ردتني
هاي حجه و كيفت من رحت
يوم تمر و تشوف جنازتي كدامك
بهذاك الوگت راح تعرف
فگدتني للابد ..

- جوانا الامين

—————————-

اسيا:- بقيت فاگه عيوني على وسعن من شفت الوضع ايهم جان بزاوية الغرفه لام نفسه و يبجي بحرگه و راسه يضربه بالحايط حيل ركضلتله تبارك الولد طلعو من شافو مريم بهيج الحاله

جنت حاضنتهه حيل الصدري بس جسمهه يسعف سعف جنه اني و رحمه لازميهه حيل لان تريد تكوم تملخ نفسهه بس بالي ما جنت يمهه جنت بالي جانت تكوله شلون اغتصبت و كلنه ندري فواز مريض ؟

عطت من دفعتني حيل و طخت وجهي على حافه السرير شفتهه ركضت على ايهم لزمت ايده تبجي بحرگه وهو مستمر يضرب راسه بالحايط حيل عيونه مليانه دموع ايهم حالته هاي تجي بس من يتذكر خاله ومن يتذكر خالاته شلون جانو يلطمون بفاتحه امه خاله جانت عدهه سبع اخوات جانت عزيزه عليهم جانو يلطمون حيل بشكل يخوف ما انكر جنت بالمتوسطه اتذكر شلون جانو يلطمون صدك جانو يخوفون لدرجة ايهم جان اصغر مني
فصار عنده خوف منهم من هالشي اللطم ابد ما يحبه يفقد من يشوف احد هيج لليوم صارله فوك العشر سنين ما شايف خالاته مبتعد عنهم ..