سعير الهزيع

سعير-39-

-سعير الهزيع
-بقلمي :- جوانا الامين

لا تنسون التصويت و تعاليقكم الحلوه بين الفقرات 💙

بسم الله نبدي البارت 💙

____

عن مشاعر فـيار :-

هلي طفلة و بنيت احلام
و انتو هدمتو حيلي مو بس احلامي
هلي ياهو يلم جروحي
انا كوه شايلة روحي
والنفس كوه اجرم
هلي ياريتني ما تغيرت و غلطت
ياريتكم ما تغيرتو علية و علمتوني ما اسوي الغلط

لـ جوانا الامين ..

_____

فـيار :- صارلي يومين استقرت بيت ليلى و خاله ام ليلى انسانة تاخذ العقل هادئة و محبوبة كلش وجهه بشوش و مليان حنينة من سمعت قصتي تعاطفت وياي و كالت اعتبرتج بنيتي الثانيه و فرحت بهل شي بس طلبت منهم ما يعاملونني معامله خاصه اني وافقت اجي هنا علمود الشغل و تقبلو كلامي ليلى صدك جانت فرحانه بوجودي يمهم

يوم الثالث كعدت بالمطبخ امسح وجهي من العرگ
باوعت للساعه جانت بل١١ونص بليل خاله تنام من صلاه العشه و اني اليوم كله كعدت احضر شغلات للفريز من الكبب و الكبابات و بورك من الصبح على وكفه المطبخ
بس كل من اتعب ارتاح
دخلت ليلى للمطبخ و سلمت بعد ما اجتي جانت بحنه صديقتهه نزعت البشت
-شلونج فيار خوما مضايقة من شي