سعير الهزيع

سعير-33-

- سعير الهزيع
- بقلمي :- جوانا الأمين

حبايب لا تنسون التصويت و التعاليق بين
الفقرات 🫂

بسم الله نبدي البارت و على الوعد بين
يوم و يوم بارت ...

___

فيار:- صرخت صرخه من كل كلبي و اني
اشوف شخص ملثم بالشماغ واكف و رافع بوجهي سلاح طويل بس عيونه طالعه و جان لابس حزام على طول جثفه مال الطلق
رجفت شفتي برعب من شفته يباوعلي بعيون حاده حتى ما رمش نطق من جوه الشماغ

-شعندج طالعه هالوگت

- هاي شبيك نزل سلاحك لا اطيح حظك

غمضت عيوني بصدمه منين اجتي هاي الصلافه فجاه صخام بوجهج فيار هذا اذا لزمج يدفنج جوه السرداب قويت روحي و فتحت عيوني شفته على بعده نظراته الحاده
- نزل سلاحك لو سمحت وين كاعدين احنه ورافع سلاحك بوجهي
نطق ببرود
- لبوة رچيفه

- مافهمت ؟؟

- تبنين روحج قويه بس رجفج تبين العكس

ضحكت مستهزئه بي همست
-صدكني مو خايفه منك ولا من سلاحك

نزل سلاحه و لبسه على ظهره باوعتله وإني أفحصه بعيوني رجلاً جنوبياً من اصحاب الحگ
يملك عينان كـ سواد الليل و حاجبان كـالسيف
رجلاً جنوبيًا اسمراني اللون

-فيار: عموماً اني راجعه للبيت مره ثانيه لا توكف هيج كبال بنيه محلو هالتصرف

عاط بعلو صوته : دمشي لج ادبسز امشي كدامي يلااا

كمزت من مكاني و مشيت باتجاه البيت و كل شوي التفت الكاه يمشي وراي صخام بوجهي ويا جاي هذا تسرعت بخطواتي و ركضت للبيت و اسمعه يصيح على كيفج

وصلت للبيت و قفلت الباب لطمت على وجهي
هذا ندل البيت اكيد راح يسويلي شي ضليت كاعده لنص ساعه صافنه بالصار حرفيا خايفه كمت ركضت على تلفوني و اتصلت على عمر ثواني و رد
-ها عيون فراهد

-فيار: لا تخليني اسب فراهد و عيونه اسمع

-شكو ياستار شبيج

حجيتله الصار وهو احسه مخنوگ او كاتم ضحكته ابد ما استغرب من الصار عبالك مثل الي يعرف او ما مهتم اخر شي صيحت بوجهه منرفزه من حركته: شبيك وجعع ليش تضحك

-هيج يابه المهم ليش طلعتي اصلا تستاهلين الصار

-عمر مو قت سوالفك هذا شبي احجيلي

-يابه شدراني اني يلا باي

-عمر

-روح عمر

-روح عمر الله ينطيك