سعير الهزيع

سعير-27-

- سعير الهزيع

- بقلمي :- جوانا الأمين

جوناياتي فضلا و ليس امراً ممكن تصويت
و تعاليقكم الحلوه بين الفقرات 💙💙🥺

_

مريم :- طلعت من غرفه يمن للبيت لكيت باب المطبخ مفتوح و ريحه ريوك كفخ خشمي و جاي مخمر و ريحه الـمخلمة تسطر سطر لـمحتني

- صباح الخير

- مريم : صباح النور حبيبتي شلون صرتي

- اسيا : الحمدالله على كل حال احسن اليوم

- الحمدالله منو اكو جوه شو هوسه

- اجوي هزال و الهزيع جوه كاعدين

- تمام

دخلت لكيت الولد كلهم كاعدين حتى يمن
نصهم بالكاع و نصهم على القنفه صبحت عليهم و ردوا حجه الهزيع

- الهزيع : الغالية مريم امسحيها بوجهنه و انتي تعرفين مصايب ايهم و سوالفه اعتذرنه كلش اهوايه من اخوج يمن حقه ضايج اخيته و هيج حجي كدامه صار

- مريم: لا اصلا انسان مو بوعيه و سكران ماهتميت لحجي ابد

- مكرم :ابد ما الوم يمن على ضربه اله لو ضاربه طلقه يرتاح كلبي

- غيث : و تعال ابتلي بقضيته و اني مليانين قضايا و صخام

- هزال : صلوات على محمد و ال محمد

جفلنه هزال من كمز من القنفه يصلي
على النبي دفره مكرم و طاح على وجهه
ضحكوا الولد ما عدى غيث ضل ساكت و ملامحه باردة و بحلكه جگاره و فهد متمدد يم ابو و غافي

- هزال : شبيكك ابن الطراك

- مكرم : شبيه مابيه بس حسك نصي چنك حبيبة من تعارك ويانه

- هزال : هههههه خرب عرضك مكرم

- مكرم : عرضي اختك حب

حجاها بخباثة و غمزله تلاشت الضحكه
من وجهه هزال و صفن بوجهه مكرم
بنظرات بارده و يريد يكوم يكتله

- هزال : اكل نعال عاد لا اطيح حظك و عوف اختي

- مكرم : شلون اعوفها وجاي جاي اقنعها نتزوج حتى تنام يمي

غطيت وجهي و طلعت ركض من الاستقبال ما اسمع غير صوت هزال يصيح و يضرب بمكرم
كعدت يم اسيا حاطه ايدهه جوه ذقنهه و صافنه بخيالهه الحزين

اسيا كلش تاذت من توفت ضحى بالهه كله يم اخوهه غيث و ابن اخوهه فهودي جانت دائما تكلي احس ضحى هي عوض لغيث غيث انحرم من كلشي و ما عاش طفوله مثلنه و احس ضحى عوض اله

شوية و دخل ايهم للمطبخ باوعلي و ارتبگ حگ راسه من وراه لف و طلع حجت اسيا وهي تنهد

- عرفت بالصار البارحه