سعير الهزيع

- سعير الاخير -

-لـكل نهاية بداية .

وصلنا للبارت الاخير و راح نختم قصتنه
لا تنسو متابعه حسابي و تروحون تشوفون روايتنه الجديدة و احفظوهه بالمكتبة

اريد تفاعل كلش حلو لان هذا اخر بارت
🥺♥️

__

دخل مكرم و فراهد مستغربين من صياح عمي دنگ فراهد يضرب بخد غيث فاقد فتح عيونه مصدوم و عاط عيونه بيضه شاله هو و مكرم و نزلو ركض لطمت على وجهي واني ابجي
-عموو شبي شبي غيث
-مابي مابي لا تخافين ارتاحي اني رايح وراهم
طلع من الغرفه وراهم نزلت ماكدرت ابقى فوگ و ضليت افرگ بيدي و جسمي يرجف فيار كاعده تواسي بـ اسيا و سناء روحهه فايره صايره اعصاب من الخوف
ضليت كاعده على بايات الدرج
و صوت انين اسيا من القهر
باوعتلي رحمه بقهر و نزلت عيونهه مني
بجيت برعب خاف مات؟
لو انجلط والله اذا صارله شي ما اسامح نفسي ابد
بقيت اعض بشفتي من الخوف و دموعي تنزل اجتي تاليا بنت فيار باتجاهي شلتهه و كعدتهه بحضني بستهه تاليا مو مثل امهه ابد مثل ابوهه هادئه و بنفس الوگت اذا صارت عصبيه و ضايجه تصيح نفس فراهد و عيونهه تنگلب احمر لذلك فراهد مبتعد عائلته عنه الخاطر بنيته و صحتهه النفسية