سعير الهزيع

سعير-30-

- سعير الهزيع
- بقلمي :- الكاتبة جوانا الجونايا

لا تنسون التعاليق بين الفقرات جوناياتي
و التصويت قبل لا تقرون البارت فدوه حطوا فضلا و ليس امراً 💙

——————
ردتك تلمني يمك تالي تطشرنا الوگت
لا حتويتك ولا لـمتني يمك ..

- جوانا الامين

——————

مريم

واكف غيث بره تصيح ويا ايهم و احمد ثنيهم شويه و يتمالخون ساعه ٣ ونص الفجر فيار لهسه ما رجعت و من المغرب لهسه يدورون و يرجعون ليوره محد دره بالموضوع غير ايهم و غيث

تبارك كاعده بالصاله و تهز راسهه متوتره و تضل تسال وين راحت و وين راحت ليش اختفت و شنو السالفه دوختني حرفياً و اني جسمي يرجف من الخوف وين راحت فيار شصارلهه شفت غيث يدخل من باب المطبخ ركضت للمطبخ و شفته
يجر الدولگه مال مي من الثلاجه و يشربهه

- مريم : غيث وين راحت برائيك !

- مادري والله بس اختج قرده تحب تكمز
و تكمز من مكان لمكان

- مريم : غيث هاي شبيك

- شبية مريم يعني وين الكاهه اختج
اذا كعد هزيع شتريدين شراح يصير

- اي ادري اني جاي أسالك وين برائيك تكون

- غيث : مادري من خرب شيب ابوج فيار

- غيث لا تجيب طاري ابوي

خزرني و دخل للصاله فات احمد و ايهم
يمسح بشفته لان لكمه غيث باوعت على احمد
- خاف فيار ببيت الهزيع الي جانوا كاعدين بي ؟

- ايهم : يا بيت تقصدين ميت بيت
كعدو بي هسه دزيت هزال يشوفهم كلهم

هزيت راسي و دخلنه للصاله باوعت عليهم كلهم متوترين و أعصابهم محروكه بس اني صح خايفه و ارجف بس گلبي بارد احس اختي بخير و ماراح يطيبهه شي لطالما دعواتي تحاوطهه و صدك دعيت احساسي يكون صحيح

ضلينه كاعدين كلنه بالصاله بس ايهم
بقى بالمطبخ كاعد ما قترب يمنه لان ما يكعد بمكان اني بي ربع ساعه و سمعنه صوت هزال بالمطبخ شويه و فات علينه الوجهه مغيم و عيونه بگصته و اصابعه ترجف

- بس فهموني شلون طلعت و ليش خليتوهه تطلع ؟؟؟

- مريم : كالتلي اريد اغير جو ما اروح بعيد

- هزال : ما تروح بعيد شنو لعد وينهه اختفت

- غيث : شفت كل البيوت ؟