"𝑫𝒊𝒐𝒔𝒆𝒍𝒍𝒂"

نۆرماندی

𝑁𝑜𝑟𝑚𝑎𝑛𝑑𝑦

𝑓𝑎𝑛𝑐𝑒

𝑀𝑖𝑐ℎ𝑒𝑙

--------───※ ·❆· ※───--------

نۆرماندی فەڕەنسا

لە ساڵی ۱۲٦۹

شەوێکی تاریکبوو

جیهان بێدەنگی دەستی بەسەر داگرتبوو

لە نێو دارستانەکەوە بە قاچە بچوک و ڕووتەکانی ڕای دەکرد

ژێر قاچەکانی خوێنیان لێ بەجێدەما
بەڵام نەدەوەستا...

بۆ ژیانی خۆی ڕایدەکرد

لەدوایەوە باوکی و پیاوەکانی تر هاواریان دەکرد کە بوەستێ

بەدوای کەوتبوون بە شمشێر و چەقۆکانی دەستیانەوە

فرمێسکی دەڕژاندە سەر کوڵمەکانی بەڵام هەوای ساردی دەوروبەری خێرا وشکیان دەکرد و جێگەیان لەسەر ڕوومەتی جێدەهێشت

لە دیوەکەی تری دارستانەکەوە

دەنگی شمشێرەکان و ڕەنگی خوێن دارستانەکەی ڕازاندبوویەوە

ڕازاندنەوەیەکی تاریک

دیۆن:-لوکاس، ئەوان پەلکێشی دارستانەکە دەکەم دواتر لە چەقی دارستانەکە بمدۆزەوە

دیۆن...

شازادەی تەمەن بیست ساڵ و جێنشینی شانشینی نۆرماندی

دیۆن ئێزرا
کوڕی پاشا پرێسکۆت ئێزرا و شاژن ئەپڕێل ئێزرا

ئازایانە و چاو نەترسانەوە شمشێرەکەی توند خستبووە نێوان دەستی

لوکاس:-هەرگیز ، بیریشی لێ مەکەرەوە

لوکاس ئاڕلۆ ...

کوڕی وەزیر ئەلبێرت ئاڕلۆ و تاکە کوڕی خێزانی ئاڕلۆ

لوکاس دیۆنی ئاگادارکردەوە لە بیرۆکە سەرکێشیەکەی بەڵام زۆر درەنگ بوو چونکە دیۆن ڕایکردبوو بۆ دارستانەکە بۆ پەلکێش کردنی ئەو چەتە و ڕێگرانەی هێرشیان کردبوونەسەر لەو کاتەی لە گەشتێکی ڕاوکردن دەگەڕانەوە

دیۆن لەوساتەی ڕایدەکرد شمشێرەکەی خستەوە کەمەری و جار نا جارێک سەری نزم دەکردەوە تاوەکو ئەو تیرانەی بۆی دەهاوێژرێن نەبنە هۆی بریندار بوونی