صوتوا على البارت قبل ما تبداااوونن
هلو اني شخصية حلوة راح ابدي وياكم قصتي هنا مع العلم انو اني مو الوحيدة الي راح تنذكر قصتها بس اسمعوني او ركزوا ويايه كلش زين....
اني سارة بغدادية اني ياما ايام تعبت او انداسيت او ياما ايام اشوف امي او ابوية يتعبون او يا دوب يوفرون الي او الخواتي اللكمه اني عندي اختين سمار او شمس ....
امي او ابوية جابوني اني اول بعدين جتي سمار او اصغرنه شمس ...
كبرت او هسة حاليا عمري 25 خريجه قانون بقه بس اشتغل او انتظر كم سنه حتى افتح مكتبي الخاص عندي أهدافي الخاصة ابوية يكول بقة بس تتزوجين
او امي نفس الكلام او تفكيري كل ما يجي عريس أرفض شلون بالله ....
ههههه لا تره همه ما بيهم عيب بس سبق او ذكرت عندي أهدافي الخاصة يمكن زواجي افكر بي من اصير 30 سنه ....
لان اريد استقرار اريد احد يفهمني او الحمدلله و الشكر اني هسة ممعتازة شويه شويه كم شهر او انصير بأفضل حال من هذا الحال ....
________________________
سمار ....
اني هنا راح اكول قصتي شلون يابه شلون اني احب ....
لا لا ليروح بالكم بعيد احب السفر احب اتسوق او اني طالبة مرحلة أولى طب أسنان جامعة حكومية طبعا لان حالتنا
وسط جانت حالتنا فقيرة قبل لكن هسة صارت وسط او عندي امل انو تصير أفضل بعد ....
يا يابة شلون تعب بعدني بالمرحلة الأولى بس اركض منا او منا مثل الزمال الي سارح بكانه حشاية ....
اشو بالله خل اشوف ساعتي ...
آهها بعد ساعة أو نرجع لبيتنا يا يابة يا يمه و اخيرا ...
ها نسيت اكللكم اني عمري 21 اي ادري اني جبيرة على مرحلة أولى لكن عندي سبب انو اني أجلت سنه بسبب تاخري على التقديم الجامعي ف تأخرت او ملكيت مكان بس يالله كلشي بيد الله ....
__________________________
شمس :
يا هلا او مرحبا اني شمس عمري 20 سنه اي اني أصغر من سمار بسنه بس بس سنه ...
اني ما عندي شي احجي اني حاليا دا افكر انو اصير مهندسة لو اعلامية لو دكتورة اسنان التقديم بقة فترة او يغلق
شلون بالله ...
اني حايرة بس يلا عادي اهم شي اقتنع ...
امي اخر العنقود لازم اتدلع لازم او لحد ما يجي بابا او يسطرني على راسي او يشعلني شعل ....
بس يمكن راح اختار دكتورة اسنان ....
__________________________
ام سارة : شمس بنتي ماما وينج ...
شمس : ها ماما ...
ام سارة : ماما عود تعاي كملي شغل لان اني تعبت او خواتج هسة بالدوام يلا ماما يلا حبابة
شمس : اي ماما من عيني اصلا انتوا بدوني تضيعون ....
ام سارة : هههههههه لا و الله اني ما اضيع الا اذا سارة راحت ....
