رغم نظرتي المختلفة الك ....
حبيتك رغم كرهي ال اسلوبك هم حبيتك...
حبيت كل صفة سيئة بيك ...
بس كون يكون تقديرك الي جبير ...
الكاتبة/سارة النعيمي.....
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
أسد: من نرجع شمس اريد اطلع بموعد وياج بس بدون اي تجاوز مني ولا منج ....😏😌
شمس : شنو من كل عقلك آني اشوفك بعد اصحى كبد اصحى ...
أسد: عود ليش عيني ترة طلبت منج باحترام ....
او نيتي سليمه ....
شمس : خلي سليمه الك عيني استاذ آني دا انتظر يوم يوم تخلص السفرة حتى بعد ما أصبح بوجهك النوب تريد موعد ....
أسد: المهم يصادف يوم أربعاء اذا كان عندج ولو شويه احترام الي تعالي ...
شمس : شنو تريد تحجي تكدر تحجي هسة ...
أسد: لا شمس آني انتظرج بالموعد ....
او اذا متجين آني اجيج حتى لو كان بدوامج المدرسي ...
شمس : اشوف يمكن مشغولة ....
أسد : بكيفج بعد بس انتِ اول او تالي شايفتني.....
__________________________
سارة......
هي حلوه الرحلة الي مخطتلها بس بقة اقناع اهلي ....
صعبة او بنفس الوقت مهمه ...
بقه بس يوم او نرجع يصادف يوم اثنين ...
هدفي لازم يتحقق لان عندي هواية مخططات بعد خمس سنوات لازم اضمن مستقبلي حتى من اخلف بنية مستقبلا اتكول امي فلانه بنت فلان ...
او ترفع راسها ب رفعه راس امها او ابوها ...
لكن الهدف حاليا انو اكمل ما بديت بيه ...
سمار : سوسو وين صافنه ....
سارة : بمستقبلي ...
سمار: لاحكه عليه بس اصبري ....😊
ساره: لازم احسب حساب او افكر او اخطط حتى انجح بفضل رب العالمين...
سمار: انشاء الله خير....
ساره: شمس وين ....
سمار: هذيج هي صافنه بالسماء او النجوم ....
ما ادري شنو دتفكر ...☹
سارة : خل انروح يمها يلا ...
_اي يلا
.
.
.
.
.
.
.
سمار :بيش ديفكر الحلو شبي ما بي ...
سارة : بشبش ....
شبيج شصار....
شمس: انتوا خواتي او عمري مضميت عنكم شي ابدا صح ....
سمار : شصار شبيج دتحجين هيج ...
سارة : اوكي انطيها مفكه خل تحجي ...
شمس: لا والله مصار شي او اني اول مرة احس هيج او اول مرة اتوتر غير توتر الامتحانات ....
