شفته من بعيد يركض ف آني رحت ركض ورة الجامعة او هو وكف يم الحارس ...
ضليت اركض لحد ما لكيت مكان أظلم او وكفت بيه
فؤاد : اريج طلعي ترى انتِ مو جاهلة
_ حبيبي طلعي يلا عيب هاي التصرفات ...
مر من كدامي او آني لفت من ورة او جريت سكينتي او حطيتها على رقبته
اريج : ها استاذ فؤاد شلونك ...
فؤاد : اويلي يابة
اريج : تبطل تركض وراية او تصير آدمي لو والله او قسما بالله لا اسحلك سهلة عزرائيل
فؤاد : نزلي السكينه خل نتفاهم
ضليت حاطة السكين او هو شالها عن رقبته او لافها الأيدي او عكس جسمي باتجاها او ايدي ورة ضهري ...
او عينه حادة بنيات تجدح ملامحه كلها تصفن الي ما يتصفن...
اريج : فؤاد أأااا
فؤاد: شبيج اريجي
رخت ايدي او وكفت السكينه مني
فؤاد : سبحانك ربي
هاي عيونج لو عدسات
اريج : ها ااا
فؤاد : لا لا مو معقولة اكو هيج عيون باع الرموش شلونهم
اريج : او انت هاي عيونك لو كحل محلها
فؤاد : انعجبتي بيهن انطيجياها حلالج
اريج : هدني فؤاد هد يلا
فؤاد : خليني صافن بيهن
غمضت عيوني عناد بيه جان ما احس غير شد قبضته على ايدي او بايده الثاني فتح عيوني
اريج : آييييي شبيك يمعود
فؤاد : إذا اجي اخطبج تقبلين
اريج : لا
فؤاد : اي تقبلين
اريج : اني عندي حبيب
فؤاد : عندج حبيب او هسة بحضني
اريج : انت حابسني غصبا عني برو
فؤاد : برو بعينج انتِ الي
اريج : تدري كلامك كرنج إلى أقصى البعد
دخت او غلقت عيني او لا اراديا راسي مال على صدره
فؤاد : شبيج
يحجي او ما ارد
_ اريج ... اريج ... حبيبي.
فؤاد ...
چنه دنحجي طبيعي اشو هي مالت راسها رأسا... يمعودة شبي اريج كومي متكوم
رفعت راسها عيونها حلوة مرسومه رسم سبحان الخالق....
هسة هي بيا حال خل أخذها او نعبر من الحايط او اوديها الغرفتها ...
دا اشيلها او عمرها على الحايط جان تكعد ...
اريج : هاي شنو وين آني عزة يوم القيامه عزة شنو لا لا مو يوم القيامه هذا موجود ...
فؤاد : فوكاها مزين شايلج بنت الحلو
