جِنُونِ اٌلرُوحْ

part 24

نارين ....

مر على رجعتنه من الشاليه اسبوع او اني كل هذا الوقت لا شفت إلياس ولا لمحته او كضيت وقتي ادرس او بالي ويه كلامه الي حجاه حاولت اتناسى الموضوع او ما اتذكرة حتى الة...

مر اسبوع ثاني او صبحت بيوم جان اول ما فتحت عيني لكيت 30 اتصال من سارة او انس 10 اكيد هذوله متفقين علية ...

_ الو

_ نارين ترى بعد ساعة إلياس يروح او اعتقد ماكو شي تحاولين تخفي انتِ

_ باي سارة الله وياه انشالله الله يكتبله كل الخير ...

سديت الموبايل بوجهها او قفلته ...
رجعت تمددت او ضليت افكر ...

مرت ايام او مر شهر او قررت اسافر ...
بس اني ما كلت لأي شخص انو اني رايحه ال إلياس...

اخذت المده شهرين ...
رحت او دورت على مكان سكنه او عمله او لكيته او اني حجزت شقة لمده شهرين ...

او باليوم الثالث قررت اروحله ...

صعدت للعمارة دكيت باب الشقة ...

...

_ بصدمه :نارين ....

_ اجيتك بنفسي لا عبالك انساك لا عيني انت غلطان ...

_ تعالي ادخلي ...

دخلت بيته من الداخل كلاسك او يجنن ولا اروع ...
صدك صاحب ذوق رائع

نارين : ترى الكل يدري انو اني مسافرة على مود اغير مزاجي او ما كلت ال اي شخص انو اني جايتك

إلياس: ما اعرف شلون اوصف شعوري هسة يوميه اني افكر معقولة ما فكرت تجيني للمطار شلون تكدر تسوي بيه هيج او اني كلتلها ...

نارين : لا اني اصلا من يوم ما كتلي من جنه كاعدين بالشاليه آني قررت اسوي هيج...

إلياس: بس تعبتيني

نارين : هههه بس حلو هذا التعب

إلياس: انتِ بس اضحكي او هذا هو

نارين : امشي نطلع ...

إلياس: لا خلينه هنانه

تقرب او مسك ايدي او تكلم ...

_ يعني انتِ صدك تحبيني

_ لعد ليش كطعت مسافة طويلة

_ كومي افرفرج برى

_ يلا حب

_ يمه كلبي عيديها على طول

طلعنه او فترينه او جانت الدنيا تنزل ثلج ...

_ هاي انت هنانه عايش طول عمرك

_ اي او من نتزوج راح تعيشين ويايه

_ هههه اي

جرني جان يحظني قوي احاول ابعده ما يبتعد هو طويل او صاحب عضل او اني قصيرة او ضعيفة ...