عجبكم البارت السابق لا حُبيبات القلب
ولكم اعشقكم اموت بيكم ....
..
وصلنه للبيت او دخلنه اني او نارين او انس او بعد ربع ساعة دخلت امي او ابوية او اجه إلياس او خالتي بنفس الوقت ....
سارة : شلون لمه بس الي اتمناه منكم تكعدون بدون صوت سايلنت ok
انس : اسكتهم غصبا عنهم والله
تحسين: المن تسكت انس طالعة عينك انت مو جنت فقير
سارة : بابا منو الفقير اصلا اذا اكو واحد حيال او لوتي هو انس ...
نارين : اي صح من جان صغير إلى الآن
إلياس: يعني تتذكري او آني متتذكريني
نارين : يعني احنه تعرفنه عليه من جان مرحلة أولى ويه ملك طبعا اتذكرة او انت عمري مشايفتك
إلياس: اهم شي اني شايفج
نارين : شكد تلح
سارة : يمعود شكد تلح ههههههه
نارين: وجع اي والله اكو شي يضحك
تحسين : ما دامنه كاعدين اريد احجي بخصوص زواج انس او سارة
انس انكلب وجهها اصفر او اني غصيت مندون ما اشرب اي شي
تحسين : اييي زواجكم شبيكم ...
راح تعقدون المهر الأسبوع الجاي ماكو داعي تطولون أشهر
سارة : ها بابا
انس : موافق عمي او تأمر أمر او مهر سارة يجي كامل الباب البيت او اكثر من ما طلبتوا
ام سارة : خوش كلام
نارين : افضل قرار هذا
إلياس نظر ال نارين او تكلم ...
_ يوم الانجمع بي ويه الي دا اباوع عليها ...
نارين صارت حمرة من التوتر او الخجل خطية منظرها يضحك ..
نارين : منيه ترضى بيك انت
إلياس: بهمس : انت ترضين
سارة : شدتحجون انتوا احنه وين او انتو كاعدين تتعاركون صلوات
نارين : لا بس والله هذا يضوج
إلياس: اولا اني عندي اسم ثانيا اني ما اضوج الكل يحبني بس انتِ متوحدة ...
نارين طفح الكيل وياها او كامت بالقهوة الي كدامها او سكبتها بوجهها او قميصه اتدمر صار قميصه عبارة عن ابيض او بني ...
الكل شهك او هي حجت ...
نارين: رحمة للسماوات من اول ما شفتك إلى الآن بس تلح متعف عني لك ما ادري بس طفح الكيل عف عني انت شخص ما تنطاق او كلامك مو عاجبني شوف دا اكولك هاي اخر مرة انبهك بيها اذا دخلن المكان او شفتك بي تتقدم على روحك او اذا تكلمت او انت جاوبت ايصير شي موحلو تنكلب الدنيا إلى جهنم
...
عافتنا او دخلت غرفة سمار او قفلت الباب
