بعد ما دخلنه للقاعة او ايد بأيد المنظر ولا اروع المعازيم كلهم من جماعة بابا على اعل امي على أهل ابويه او اهل انس ...
او زملائي بالعمل الكل اجه عرس فخم جدا
..
وكفنه على الستيج حتى نلقي كلمه اني او انس ...
سارة : ههه انس اني ابدي لو انت
انس : ابدي انتِ
سارة : الابتسامه ملت وجهي :
اولا اريد اتشكر كل شخص بالقاعة حضر حفل زفافنه جزيل الشكر
ثانيا اريد اكول ال ماما او بابا ...
تعبتوا علية او مراح تعبكم على الفاضي
اني هسة محامية ناجحة او صاحبة قضايا ضخمة او الأفضل آني من اليوم راح يصير عندي عائلة جديدة ...
او الفضل الكم او التعبكم احبكم ...
انس : اني يتيم بس احب اتشكر اخواني الأكبر مني شالر او زهور ساعدوني إلى أن ربونه اني او أخوية الي اصغر مني صكر ....
او اني صح ما عندي اب ولا ام بس من اليوم الي تعرفت على عمي تحسين او عمتي اعتبرتهم همه اهلي ...
شكرا جزيلا او بنتكم امانه بركبتي إلى يوم الدين ...
.. يلا شغلوا الاغاني ....
الكل بدأ يرقص بابا او ماما او خواتي او أزواجهم او نارين او الياس اول مرة اشوف نارين هنانه هيج نظرتها ال إلياس مليانه حماس او حب او احترام او هو طاير بيها ...
او اهل انس طلعوا حماس او كبار او راقيين يعني جد جد الحفل يجنن الا او اجت اللحظة الي يتم بيها طلاق نار من أشخاص مجهولين او المقصودة اني بس الي دفع روحه بدلا عني هو ...
_المحامية سارة ....
التفتت دا شوف شنو او من
جان الكهه سلاح متوجه نحوي او ضغط الشخص على الزر بعدها اجه والدي باتجاهي او صارت بيه الرصاصة ...
سارة : بابا ... بابا كوم يلا افتح عينك بابا حباب كوم يلا باباااااااااا
انس : اتصلوا بالاسعاف بسرعة يلا
ملك: ما بي شي بعدة يتنفس
سمار : بابا بابا
ملك : اهدئي انتِ اسكتي
شمس اغمى عليها او أمي كذلك اغمى عليها او اني ضليت بحالة صدمه لمدة خمس دقائق
طلعنه للمستشفى جان الكة على سيارتي ورقة فتحتها ...
_ هسة هو ما مات بس المرة الثانية اخذ راسة او ليش هو يمكن اخذ راس زوجج
اتنازلي عن القضية افضل ...
صعدت لغرفة التبديل اخذت ملابسي القديمه او عفت البدلة الي صار عليها دم ابوية الي ما اعرف بيه هسة حي ميت او رجعت للسيارة او رحت للمستشفى ...
وصلت لكيتهم واصلين قبلي او دينتظرون العملية تخلص ...
طلع الدكتور او راحت امي باتجاهه
ام سارة: بشر دكتور رحمه ال اهلك ...
