فؤاد ....
بعد انتهاء دوام القسم رحت من مكان بعيد اراقبها ...
شفتها شايلة كل غراضها بجنطة متوسطة الحجم ...
او راحت للغرفة الانفرادية الي اني كتلها عليها بسبب تفوقها او طبعا جانت هاي التعليمات من المدير الي هو والدي ...
او صارت من نصيبها ...
ضليت واكف بعيد إلى أن صارت ساعة 8:00 ...
رحت دكيت الباب جان تطلع ...
اريج : نعم سيدي ... على ما اضن انتهى وقت الدوام ...
فؤاد : آني..... آني عازمج اذا تحبين تجين
اريج : لا
جان تركع الباب بوجهي ....
رجعت دكيت الباب ...
فؤاد : تجين لو اتبلى عليج ...
اريج : بالله شتككول اريج تحرشت بيه ...
فؤاد : يمه منج ... بس اكيد آني مو ساقط لا لا بس اكول مزورة أوراق...😉
اريج : غير مرة سيدي غير مرة اليوم عندي مشكلة نسائية ...
فؤاد : اعرف ...
اريج : شتعرف 🙂😐
بلعت ريكها او احمرت خدودها...
فؤاد : جانت اكو بقعة موجودة على الزي ف آني عرفت او ترى عادي اختي هم مثلج ...
اريج : امشي ولي .... امشي سيدي امشي
رحت او تركتها او رجعت ساعة 10:30 ...
دكيت الباب او جان تفتح لابسة بجامه وردي فاتح او جورابة عليها ويني آني هنانه صدك لزمتني الضحكه ...
فؤاد : هلا او يا مسهلا 😂
اريج : راح تضل معابدني شبيك يا ولد ...
فؤاد : جبت الج اكل
اريج : ببرائة: صدك تحجي شكرا اخي
فؤاد : اخي شنو اشو اشو جيبي الاكل مو صوجج صوجي اني ...
اريج : حبيبي
فؤاد : اي هيج اريدج ...
اريج : الزم العلاكة او انتظر يم الشجرة الي برأس الفرع مال جامعة ...
رحت او وكفت ضليت لمدة 10 دقائق...
او اجتي تهف من بعيد ...
اريج : امشي وياية راح اوديك للسينما بس هسة نمشي او ناكل ...
فؤاد : حلوووو
مشينه او اكلنه كل شخص لفة شاورما وحدة او وصلنه للسينما....
اريج : فلم رعب
فؤاد : لا رومانسي
اريج : استحي هذا مال متزوجين
فؤاد : امشي نتزوج او نشوفة سوية
اريج : هههههه موافقة آني الي عريس او انت الك عروس 😂😉
فؤاد : اختاري رعب
دخلنه او جانت المقدمه للفلم رومانسية هذا يا رعب اثاري الأفندي متفق وية ابو التذاكر من جنت دا اشتري بوشار او حلويات يطلع فلم رومانسي ...
التفتت عليه او وجهي احسة صار احمر من الخجل ...
