ام سارة: انس ابني استعجل
انس : عمتي مستعجل والله بس المكان بعيد
تحسين : هاي اول مرة تصير بيج هاي الحالة
سارة : بألم: ايييي بابااا اي ..
انس : تحملي حبيبتي تحملي ...
وصلنه للمستشفى صحت الممرضين ييجون اجوي او جابو السدية او شالوها ...
_ صيحوا دكتور صكر بسرعة
_ حاضر
دخلت للفحص او اجه دكتور صكر او وياه دكتورة ...
سلوى : ضربوها مخدر بسرعة
صكر : ناخذلها سونار حتى نشوف حالة الطفل ...
سلوى : اي دكتور يلا
صكر : دكتورة الطفل عمرة تقريبا شهرين او حالته ضعيفة او هذا الشي بسبب الإجهاد عادةً او الضغط الزائد ...
.سلوى : اي هسة نبلغهم....
طلع النه الدكتور او كال ...
_ زوج المريضة موجود
انس : آني دكتور
صكر: الطفل حالته ضعيفة او بأي لحظه يمكن تتعرض لحالة إجهاض بسبب الضغط او الإجهاد او هسة حاليا نريدها تبقى لمدة أسبوع على الاقل بالمستشفى حتى نشوف وضعها لان من المحتمل ايضا انو تتم ولادة الطفل قبل موعدة...
انس : ماشي دكتور ...
راح الدكتور او بين فترة او فترة تجي ممرضة تشوف حالتها ...
بعد مرور الوقت صحت ...
سارة : انس .... انس
انس : ها ها عمري ها يا عيني
ام سارة: اش اش هسة بدت تصحى شوية شوية
تحسين : بنتي سارة يلا كومي يلا مابيج شي . ..
...
سارة ...
صحيت او الدنيا مغوشة بعيني ...
انس لازم ايدي او أمي تمسح على شعري او ابوية يصحيني او اني ولا كأنما صاحية لا أكدر انطق اكثر و لا أعصاب مثل قبل او الطفل الي بطني ما اعرف عنه شي....
انس : دسمعيني سارة حبيبتي
سارة : ابني
انس : شبيه
سارة : وين ابني وين
انس : الف الحمدلله بخير بعدة عايش بعدة
سارة : خل اشوفه وينه
انس: شبيج سارة الطفل بعده عمرة شهرين او هو ابطنج بعده اصلا
سارة : اني وين انس .. انس اني وييين
ام سارة: بنتي انتِ فقدتي وعيج او احنه بالمستشفى
سكتت او ضليت صافنه زين هذا ااي شفته يعني جان حلم شلون او ابني جان بحضني بهيج حالة هاي اشارة الي
حتى اسمه اني جنت مسميته
