رحت للعنوان او اتصلت على الشريك الثاني الي مشترك بنفس الجريمه او طبعا عملي الي دا اقوم بيه هو الشرطه تعلم بيه او آني الي الصلاحية بهذا الشي ...
_ الو وصلت وينكم ...
_ جينة جينة
دا اندار جان يطلع من مكانهم
المكان عبارة عن صحراء يعني الي ينكتل دفنته سهلة ....
چانو بانين هيكل خاص بيهم او تقريبا بين كل مسافة او مسافة اكو هيكل ...
سارة : اييي المهم هسة آني اجيت او كدامكم وحدي محد ويايه بس ظلي ...
_ هااااا بس ظلج كلتي ... فهمت ...
سارة : شتريد اتصلت القضية انسحبت منها او عملي استقاليت منه قبل شهرين شكو تتصل
_ هاااا هيج تكولين
سارة : ايييي هيج اكول
جان يتقرب باتجاهي او يلمس شعري ...
_ حرامات هذا الجمال كلة او انتِ محامية بس چؤ چؤ چؤ
سارة: لعد مال شنو ...
_تجين جوة تشوفين بنفسج
سارة: اجي ليش لا بس انتوا ادخلوا قبلي ....
صدكوا او التفتوا يدخلون چان يچي انس او جماعته ناس تسوق او ناس تقنص او اني انخفضت بالأرض او صار إطلاق النيران ما اله حساب ولا والي ...
انس : بصراخ : ديري بالج تكومييييين
ملك : صيبواااا زين ما اريد واحد يبقى عايش ....
مبقة واحد عايش منهم او اني ضليت منبطحه بالأرض او ايدي رابطتهم على راسي او الجو انملى تراب بسبب الأرض....
ماتوا او صار المكان ساكن ...
كمت وكفت چان ما احس غير صوت يجي من جوة
سارة : انس / ملك تعالوا
دخلنه جوة لكينه سرداب صغير دخلنه مجموعة نساء محبوسات او جزء منهم فقط بملابس الداخلية او الجزء الآخر مكلبشيهم وحدة بالثانية
او وحدة منهم ملبسيها لبس كامل عبارة عن جوارب شفافة بالمختصر عاريات ...
انس : دخلي دوري ملابس شي او احنه ننتظر برة
سارة : ماشي
ملك : حسبي الله ونعم الوكيل
دخلت جوة لكيت امرأة شادين ايدها او رجلها بالسرير او لافين عليها شرشف ابيض عود ساتريها تناشد احد ينقذها ...
او اباوع بالأرض أدوات طبية ...
فكيت ايدها او رجلها او سترتها بعدين صحت انس او ملك ...
سارة : ملك شوف هاي الأدوات
ملك : جانو مخططين اغتصاب او بعدها يقتلوها او ياخذون اعضائها او بعض الأدوات تستعمل للكوي او يمكن رادوا يشيلون رحمها ....
