يا هلااا او مرحبا بيكم ...
شلونكم شخباركم ...
........
سارة :.
بعد ما اتفقنا على الفستان او كمل اليوم او رحنه نمنه لعد شلون منام غير نرتاح بعد تعب او تفكير طويل ....
او متحمسة لان بقة يوم او اباشر دوامي ....
نمت او اني افكر ....
غفيت بنوم عميق او هم حلمت بهذاك الشخص بس ما اعرفة شكله كبار او راقي او مثقف بس كأنه يعرفني ....
بس هم وجهها ممبين شنو السبب ما ادري
...
بالحلم اني على اساس كاعدة او هو اجه من بعيد أتقدم نحوي او بدأ يتكلم ....
_ آنسة سارة ....
_ نعم تفضل منو حضرتك ...
_ مو مهم منو آني او مو مهم انتِ تعرفين نفسج لان احنه راح نلتقي عن قريب ...
_ يا .... استاذ .... يا ولد ...انتظر تعال كمل كلامك يمعود ....
.....
هذا عافني بالحلم او راح او ضليت اني اريد اعرف هو منو ....
صحيت على صوت عركه سمار او شمس ...
على مود شر الملابس او غسل المواعين ( الصحون ) ....
سمار اتكول اني اشرهم او شمس اتكول لا اني اشرهم او الصوت واصل السابع جار ....
او ماما جانت طالعة ....
او اني لازم اروح للسوك على مود اتسوك ملابس ماعندي شي ينلبس مع ان الدولاب مليان بس هو هاي احنه البنات ....
😊
كمت بكل أريحية او انتهيت على بابا الغرفة او فتحت الكاميرا او بديت اصورهن شلون ديتعاركن جان حسوا علية او وكفن عراك او بدوا يضحكون ....
سارة : ها فلذات كبدي ...
شمس : ها سوسو 😁
سمار: صح النوم محاميتنه...
سارة : هسة صرت محاميتكم مو ...
يلا كل وحدة تشوف شغلها او اكلكم لحظه لحظه....
منيه اخر مرة غسلت المواعين ...
سمار : آني ...
سارة : او الملابس اخر مرة منو شرهم ...
شمس : آني ...
سارة : ..
سمار شري الملابس ....
شمس غسلي المواعين ....
او آني راح انظف البيت كله ....
انتهى النقاش
سمار : لو كاعدة من زمان مو احسن ...
شمس : عفية متنجبين او تسكتين ...
سارة : هدوووووووووء ولجن هدوء ...
انتِ لتخليني ابيع حقارة وياج او تصويرج هذا الي انتِ او كفشتج بي ادزة للأستاذ 😉
شمس : دزيه و الله تسوين فضل حتى بلكي الله او يفسخ الخطوبة دزيه يمعودة ....
لازك لا بنترة يفك لا بمعاملة سيئة يروح لاطش جنه ضفدع ....
