جِنُونِ اٌلرُوحْ

part 18

تصويتكم عيوني ....

.....

وصلنه للسوك او بدينه تجهيزات اهلي ينطون رأي او اهلة ينطون رأي او احنه مثل الأطرش بالزفة... هههه هو احنه بالزفة ....

ملك: بنبرة نتر : لو سمحتم ترى العرس عرسي او عرس سمار شلون وياكم بالله

نارين : والله حقك

ام ملك : بشرفكم على شنو جايين

ملك : آني اموللكم جايين تشويش على تفكيرنه ف الي اتمناه منكم انو تشاهدون فقط ..

ام سارة : ماشي تعالي اختي تعالي خل نشوف ..

سمار : اويلي شلون هدأ المكان هههه

ملك : امشي نختار
...

اختارينة او كملنه او حاسبنه او انطينه العنوان انو نستلم الطلبات باجر ييجي لحد بيتنه ...

ملك : ها عيني بعد شناقص ...

سمار : لا مناقصة شي ...

ملك : هسة اريد نشتري مستلزمات الغرفة

سمار : يعني شنو

ملك : محل الملابس النسائيه منا ...

سمار : بصدمه : شلون آني وياك نشتريهم

ملك : اي شبيج ...

سمار : لا اكيد تتشاقة ...

ملك : لا لا والله بس اول مرة انكعدهم بمطعم او نلهيهم او احنه نروح نشتري ...

ضليت ساكته او مصدومه شلون هو يدخل ويايه يشتري هيج شي
كمل الحجز او كعدهم بمطعم فخم او تعذرنه منهم ...

ملك : خالتي .... امي... نارين حبيباتي احنه عدنه شغلة بسيطة نص ساعة أو نجي احجزوا مكانه بين منجي مو تكومون ترى دافع بكد شعر راسي ...

نارين تولي المهمه ...

نارين : يمي بعد آني الرئيسة ...

رحنه او جان هو يمسك ايدي او دخلني لمحل الالبسة...
كلها سيتات نوم او أشكال او الوان او كلها فاضحة ترك ايدي او بدأ ياخذ كل قطهة تجنن كدامه او القياس قياسي شلون ما ادري ...
او الالوان ملكية تجنن ...
وصلنه يم الكاشير او حسبهم طلعت 30 سيت ما عدة الأشياء الباقية ...

ملك: بعد شنو يعجبج...

سمار : هااا لا لا كلهم حلوات ...

دفع او اخذ الأكياس او طلعنه

ملك : السيارة قريبة امشي احطهم بالسيارة او نرجع

سمار : اي يلا ...

زين حس اني من كل عقلي انو راح نظل نمشي بيهم او نروح نكعد بالمطعم هيج ...
ما ادري ليش هو صح تجهيز بس اني
أخجل على طول اطلب هذا النوع من الملابس اون لاين مو هيج ...
وصلنه يم السيارة فتح الصندوق او حط كل الأكياس بيه ...